ನೇರಪ್ರಸಾರ ವರದಿ ಮಾಡುತ್ತಿದ್ದಾಗಲೇ ಪತ್ರಕರ್ತನ ಇಯರ್ ಫೋನ್ ಕದ್ದೊಯ್ದ ಗಿಳಿ!

•   Sun, Nov 06 2022 12:01:53 PM



• ಅಮೇರಿಕಾ, ನ 06 (DaijiworldNews/DB): ಅಪರಾಧ ಪ್ರಕರಣ ಸಂಬಂಧಿಸಿ ನೇರಪ್ರಸಾರದಲ್ಲಿ ಸುದ್ದಿ ವರದಿ ಮಾಡುತ್ತಿದ್ದ ಪತ್ರಕರ್ತನ ಕಿವಿಯಿಂದ ಗಿಳಿಯೊಂದು ಇಯರ್ ಫೋನ್ ಕದ್ದಿರುವ ತಮಾಷೆಯ ಪ್ರಸಂಗ ಅಮೆರಿಕಾದಲ್ಲಿ ನಡೆದಿದೆ.

  ನಿಕೋಲಸ್ ಕ್ರೂಮ್ ಎಂಬ ಪತ್ರಕರ್ತನೋರ್ವ ಸ್ಪಾನಿಷ್ ಭಾಷೆಯಲ್ಲಿ ನೇರಪ್ರಸಾರದಲ್ಲಿ ಸುದ್ದಿಯ ಮಾಹಿತಿಯನ್ನು ಹೇಳುತ್ತಿದ್ದ. ಪತ್ರಕರ್ತ ಕ್ಯಾಮರಾ ಮುಂದೆ ನಿಂತು ವಿಷಯ ಹೇಳುತ್ತಿದ್ದಂತೆ ಗಿಳಿಯೊಂದು ಹಾರಿ ಬಂದು ಆತನ ಭುಜದ ಮೇಲೆ ಕುಳಿತಿದೆ. ನೇರಪ್ರಸಾರವಾದ್ದರಿಂದ ವರದಿಗಾರ ವರದಿ ಹೇಳುವಿಕೆಯನ್ನು ಮುಂದುವರಿಸಿದ್ದಾನೆ. ಆದರೆ ತನ್ನ ಕಳ್ಳಾಟವನ್ನು ಬಿಡದ ಗಿಳಿಯು ಪತ್ರಕರ್ತನ ಕಿವಿಯಲ್ಲಿದ್ದ ಇಯರ್‌ಫೋನ್‌ನನ್ನು ತನ್ನ ಕೊಕ್ಕಿನಿಂದ ಕಚ್ಚಿ ಬಾಯಿಯೊಳಗಿಟ್ಟುಕೊಂಡು ಹಾರಿ ಹೋಗಿದೆ.

  ಇನ್ನು ಗಿಳಿಯ ಈ ಕಳ್ಳಾಟ ಕ್ಯಾಮರಾಮ್ಯಾನ್‌ನ ಕ್ಯಾಮರಾದಲ್ಲಿ ಸೆರೆಯಾಗಿದೆ. ನಿಕೋಲಸ್ ಅವರು ಲೈವ್‌ನಲ್ಲಿ ಮಾತನಾಡುತ್ತಿದ್ದ ವೇಳೆ ಗಿಳಿ ಇಯರ್‍ ಫೋನ್ ಕದ್ದು ಓಡುವ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

  Beware the earphone pinching parrots 🦜 of #Huddersfield, @AndrewVossy... 😂@RLWC2021 #RLWC2021 pic.twitter.com/BXtLoHujYo

  — Jayne Halhead 🇺🇦 (@Jaynes__World) November 5, 2022