ಐಸಿಸ್ ಸಂಘಟನೆಯ ಮುಖ್ಯಸ್ಥ ಅಬು ಹಸನ್ ಅಂತ್ಯ

•   Thu, Dec 01 2022 01:00:00 PM



• ಲೆಬನಾನ್, ಡಿ 01 (DaijiworldNews/DB): ಸಂಘರ್ಷವೊಂದರಲ್ಲಿ ಐಸಿಸ್ ಭಯೋತ್ಪಾದಕ ಸಂಘಟನೆಯ ಮುಖ್ಯಸ್ಥ ಅಬು ಹಸನ್ ಅಲ್ ಹಶೀಮಿ ಅಲ್ ಖುರೇಷಿ ಅಂತ್ಯ ಕಂಡಿದ್ದು, ಹಶೀಮಿ ಉತ್ತರಾಧಿಕಾರಿಯನ್ನೂ ನೇಮಕ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.

  ದೇವರ ಶತ್ರುಗಳ ದಾಳಿಯಿಂದಾಗಿ ಅಬು ಹಶೀಮಿ ದುರಂತ ಅಂತ್ಯ ಕಂಡಿರುವುದಾಗಿ ಐಸಿಸ್ ವಕ್ತಾರ ಅಬು ಉಮರ್ ಆಡಿಯೋ ಸಂದೇಶವೊಂದರಲ್ಲಿ ಹೇಳಿದ್ದಾನೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಆದರೆ ಆತ ಯಾವಾಗ ಸಾವನ್ನಪ್ಪಿದ್ದಾನೆ ಮತ್ತು ನಿಖರ ಕಾರಣ ಏನು ಎಂಬುದನ್ನು ಆತ ಬಹಿರಂಗಪಡಿಸಿಲ್ಲ.

  ಅಬು ಅಲ್ ಹುಸೈನ್ ಅಲ್ ಹುಸೈನಿ ಅಲ್ ಖುರೇಷಿ ಎಂಬಾತನನ್ನು ಐಸಿಸ್ ಉಗ್ರಗಾಮಿ ಸಂಘಟನೆಯ ನೂತನ ಮುಖ್ಯಸ್ಥನಾಗಿ ನೇಮಕ ಮಾಡಲಾಗಿದೆ ಎಂದೂ ಆತ ಹೇಳಿದ್ದಾನೆ ಎನ್ನಲಾಗಿದೆ. ಆದರೆ ಈತನ ಬಗ್ಗೆ ಆತ ಹೆಚ್ಚಿನ ಮಾಹಿತಿಯನ್ನು ಒದಗಿಸಿಲ್ಲ.