ದಢೂತಿ ದೇಹವೆಂದು ಪ್ರಯಾಣಕ್ಕೆ ತಡೆಯೊಡಿದ್ದ ವಿಮಾನ ಸಿಬ್ಬಂದಿ- ಮಾಡೆಲ್ ಹೋರಾಟಕ್ಕೆ ಸಿಕ್ತು ಜಯ

•   Sun, Dec 25 2022 01:15:21 PM



• ಬ್ರೆಜಿಲ್‌, ಡಿ 25 ( DaijiworldNews/MS):"ದಪ್ಪಗಿದ್ದೀರಾ, ನಿಮಗೆ ವಿಮಾನದ ಸೀಟುಗಳಲ್ಲಿ ಹೊಂದಿಕೊಳ್ಳಲು ಸಾಧ್ಯವಿಲ್ಲ " ಎಂದು ಪ್ರಯಾಣಕ್ಕೆ ತಡೆಯೊಡ್ಡಿದ ಪ್ಲಸ್-ಸೈಜ್ ಮಾಡೆಲ್‌ ಗೆ ಕಿರುಕುಳ ನೀಡಿದ ಖತಾರ್ ಏರ್​​ವೇಸ್ ವಿರುದ್ದ ಬ್ರೆಜಿಲ್‌ನ ನ್ಯಾಯಾಲಯ ತೀರ್ಪು ನೀಡಿದೆ.

  38 ವರ್ಷ ವಯಸ್ಸಿನ ಪ್ಲಸ್-ಸೈಜ್ ಮಾಡೆಲ್‌ನ ಮಾನಸಿಕ ಕಿರುಕುಳ ನೀಡಿದಕ್ಕಾಗಿ ಆಕೆಯ ಮಾನಸಿಕ ಚಿಕಿತ್ಸೆಯ ವೆಚ್ಚ 3 ಲಕ್ಷ ರೂ.ವನ್ನು ಖತಾರ್ ಏರ್​​ವೇಸ್ ಗೆ ಪಾವತಿಸುವಂತೆ ಆದೇಶಿಸಿದೆ.

  ಜೂಲಿಯಾನಾ ನೆಹ್ಮೆ ಎಂಬ ಬ್ರೆಜಿಲ್ ಪ್ಲಸ್-ಸೈಜ್ ಮಾಡೆಲ್‌ ಇಡೀ ಘಟನೆ ಬಗ್ಗೆ ಸಾಮಾಜಿಕ ತಾಲತಾಣದಲ್ಲಿ ಅಸಮಾಧಾನ ಹೊರಹಾಕಿದ್ದಾರೆ. ನವೆಂಬರ್ 22ರಂದು ದೋಹಾಗೆ ತೆರಳಲು ವಿಮಾನದ ಟಿಕೆಟ್ ಬುಕ್ ಮಾಡಿದ್ದರು. ಪ್ರಯಾಣ ದಿನ ತಾನು ಬುಕ್ ಮಾಡಿದ್ದ ಎಕಾನಮಿ ಕ್ಲಾಸ್​​ ಟಿಕೆಟ್​​ನಲ್ಲಿ ಕಾದಿರಿಸಿದ ಸೀಟ್​​ಗೆ ತೆರಳಬೇಕು ಎನ್ನುವಷ್ಟರಲ್ಲಿ ಖತಾರ್​ ಏರ್​ವೇಸ್​ನ ಸಿಬ್ಬಂದಿ ತಡೆದುನೀವು ತುಂಬಾ ದಪ್ಪಗಿದ್ದೀರಾ. ಹೀಗಾಗಿ ನಿಮಗೆ ಎಕಾನಮಿ ಕ್ಲಾಸ್​​ನ ಸೀಟುಗಳಲ್ಲಿ ಹೊಂದಿಕೊಳ್ಳಲು ಸಾಧ್ಯವಾಗುವುದಿಲ್ಲ ಎಂದು ಹೇಳಿದ್ದಾರೆ. ಬಿಸಿನೆಸ್ ಕ್ಲಾಸ್ ಟಿಕೆಟ್ ಖರೀದಿಸಿದರೆ ಮಾತ್ರ ವಿಮಾನದಲ್ಲಿ ತೆರಳಬಹುದು ಎಂದು ಸಿಬ್ಬಂದಿ ಹೇಳಿದರು. ಇದಕ್ಕಾಗಿ ಹೆಚ್ಚುವರಿ $1000 (8000 ರೂ.) ಪಾವತಿಸಿ ಟಿಕೆಟ್​​ ವರ್ಗಾಯಿಸಿಕೊಳ್ಳಬೇಕಾಗಿತ್ತು .ವಿಮಾನ ನಿಲ್ದಾಣದಲ್ಲಿ ನಡೆದ ಈ ಘಟನೆಯಿಂದ ನನಗೆ ದೋಹಾ ತಲುಪಲು ಸಾಧ್ಯವಾಗಿಲ್ಲ.ಅಲ್ಲದೆ ಖತಾರ್ ಏರ್​​ವೇಸ್ ಸಂಸ್ಥೆ ಟಿಕೆಟ್​​ನ ಮೊತ್ತವನ್ನೂ ಹಿಂತಿರುಗಿಸಿಲ್ಲ ಎಂದು ಬರೆದುಕೊಂಡಿದ್ದಾರೆ

  ತೂಕ ಹೆಚ್ಚಿರುವ ಕಾರಣದಿಂದ ವಿಮಾನ ಪ್ರಯಾಣಕ್ಕೆ ಅವಕಾಶ ನೀಡದೇ ಇರುವುದರಿಂದ ನನಗೆ ಮಾನಸಿಕವಾಗಿ ಆಘಾತ ಉಂಟಾಗಿದೆ. ಅತೀ ದೊಡ್ಡ ವಿಮಾನಯಾನ ಸಂಸ್ಥೆಯೊಂದು ತೂಕದ ಕಾರಣ ನೀಡಿ ಅವಮಾನಿಸಿದೆ ಎಂದು ಹೇಳಿಕೊಂಡಿದ್ದಾರೆ. ಈ ವಿಚಾರವಾಗಿ ಜೂಲಿಯಾನ ನೆಹ್ಮೆ ಕೋರ್ಟ್​ ಮೆಟ್ಟಿಲೇರಿದ್ದಾರೆ. ಇದೀಗ ಈ ಪ್ರಕರಣವನ್ನು ಪರಿಶೀಲಿಸಿದ ಕೋರ್ಟ್​​ ನೆಹ್ಮಾಗೆ ಮಾನಸಿಕ ಚಿಕಿತ್ಸೆಯ ವೆಚ್ಚ 3 ಲಕ್ಷ ರೂ. ಮೊತ್ತವನ್ನು ಖತಾರ್ ಏರ್​ವೇಸ್ ಸಂಸ್ಥೆ ಭರಿಸಬೇಕು ಎಂದು ಆದೇಶ ಹೊರಡಿಸಿದೆ ಎಂದು ವರದಿಯಾಗಿದೆ.