ಟ್ವಿಟರ್‌ ಉದ್ಯೋಗಿಗಳು ಆಫೀಸ್​ಗೆ ಸ್ವಂತ ಟಾಯ್ಲೆಟ್​ ಪೇಪರ್​ ತರಬೇಕಂತೆ.! - ಮಸ್ಕ್ ಏನಂದ್ರು?

•   Sat, Dec 31 2022 12:49:42 PM



• ನ್ಯೂಯಾರ್ಕ್, ಡಿ 31 ( DaijiworldNews/MS): ಸಾವಿರಾರು ಉದ್ಯೋಗಿಗಳನ್ನು ವಜಾಗೊಳಿಸಿ, ವಿಚಿತ್ರ ನಿಯಮಗಳಿಂದ ಸುದ್ದಿಯಾಗುತ್ತಿರುವ ಟ್ವಿಟರ್​ ಸಂಸ್ಥೆಯ, ಉದ್ಯೋಗಿಗಳು ಸ್ವಂತ ತಮ್ಮದೇ ಆದ ಟಾಯ್ಲೆಟ್ ಪೇಪರ್ ಅನ್ನು ಕಚೇರಿಗೆ ತರುತ್ತಿದ್ದಾರಂತೆ.!

  ಹೌದು ಹಣ ಉಳಿಸಲೆಂದು ಬಿಲಿಯನೇರ್ ಸಂಸ್ಥೆ ಟ್ವಿಟರ್‌ನ ನ್ಯೂಯಾರ್ಕ್ ಕಚೇರಿಗಳಲ್ಲಿನ ಹೌಸ್​ಕೀಪಿಂಗ್​ ಸಿಬ್ಬಂದಿ ಹಾಗೂ ಸ್ವಚ್ಛತಾಕರ್ಮಿಗಳನ್ನೂ ಕೆಲಸದಿಂದ ವಜಾಗೊಳಿಸಿದೆ. ಇದಲ್ಲದೇ ಈ ತಿಂಗಳ ಆರಂಭದಲ್ಲಿ ಕಚೇರಿಯಲ್ಲಿನ ಉದ್ಯೋಗಿಗಳು ಸಂಸ್ಥೆಯ ಅವ್ಯವಸ್ಥೆ ವಿರುದ್ದ ಮುಷ್ಕರ ಮಾಡಿದ್ದಕ್ಕಾಗಿ ಸ್ಯಾನ್ ಫ್ರಾನ್ಸಿಸ್ಕೋ ಪ್ರಧಾನ ಕಚೇರಿಯಲ್ಲಿ ಹೌಸ್​ಕೀಪಿಂಗ್​ ಸಿಬ್ಬಂದಿ ಹಾಗೂ ಸ್ವಚ್ಛತಾಕರ್ಮಿಗಳನ್ನೂ ಕೆಲಸದಿಂದ ಕಿತ್ತು ಹಾಕಲಾಗಿತ್ತು!

  ಇನ್ನು ನಾಲ್ಕು ಮಹಡಿಗಳಲ್ಲಿ ಕಾರ್ಯಾಚರಿಸುತ್ತಿದ್ದ ಸಂಸ್ಥೆಯ ಎಲ್ಲಾ ಸಿಬ್ಬಂದಿಯನ್ನು ಎರಡು ಮಹಡಿಗಳಿಗೆ ಸ್ಥಳಾಂತರಿಸಿದೆ.ಹೀಗಾಗಿ ಸೀಮಿತ ಸ್ಥಳಗಳಲ್ಲಿ ಹೆಚ್ಚು ಜನರು ತುಂಬಿರುವುದರಿಂದ, ಕಛೇರಿ ವಾಸನೆ ಹೊಡೆಯುತ್ತಿದೆ. ಬಾತ್​ರೂಮ್​ಗಳಲ್ಲಿ ಕೊಳಕು ತುಂಬಿದ್ದು ಕೆಲವು ಕೆಲಸಗಾರರು ತಮ್ಮ ಸ್ವಂತ ಟಾಯ್ಲೆಟ್ ಪೇಪರ್‌ಗಳನ್ನು ಮನೆಯಿಂದ ತರಲು ಶುರುಮಾಡಿದ್ದಾರೆ.

  ಈ ಪ್ರಕರಣ ನಿಜವೇ ಎಂದು ಟ್ವಿಟರ್‌ನಲ್ಲಿ ಪ್ರಶ್ನಿಸಿದ್ದಾಗ, ಎಲಾನ್​ ಮಸ್ಕ್ ಅದನ್ನು ಖಚಿತಪಡಿಸಿದ್ದಾರೆ. ತಮ್ಮ ಟ್ವೀಟ್​ನಲ್ಲಿ 'BYOTP! LOL, ಅರ್ಧ ದಿನ ಈ ಪರಿಸ್ಥಿತಿ ನಿಜವಾಗಿತ್ತು' ಎಂದಿದ್ದಾರೆ.