'ನಾನು ಪ್ಲೇ ಬಾಯ್, ದೇವತೆ ಎಂದು ಹೇಳಿಲ್ಲ'-ಬಾಜ್ವಾಗೆ ಇಮ್ರಾನ್ ಖಾನ್ ತಿರುಗೇಟು

•   Tue, Jan 03 2023 12:57:10 PM



• ಇಸ್ಲಮಾಬಾದ್, ಜ 03 (DaijiworldNews/DB): ನಾನು ದೇವತೆ ಎಂದು ಹೇಳಿಕೊಂಡಿಲ್ಲ. ನಾನು ಹಿಂದೆ ಪ್ಲೇ ಬಾಯ್ ಆಗಿದ್ದೆ ಎಂದು ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಹೇಳಿದ್ದಾರೆ.

  2022ರಲ್ಲಿ ಪ್ರಧಾನಿ ಹುದ್ದೆಯಿಂದ ಖಾನ್ ಕೆಳಗಿಳಿದ ವೇಳೆ ನಿವೃತ್ತ ಸೇನಾ ಮುಖ್ಯಸ್ಥ ಜನರಲ್ ಕಮರ್‍ ಜಾವೇದ್ ಬಾಜ್ವಾ ಅವರು ಖಾನ್ ಅವರನ್ನು ಪ್ಲೇ ಬಾಯ್ ಎಂದು ಜರೆದಿದ್ದ ವಿಚಾರವನ್ನು ಪುನರ್‌ ನೆನಪಿಸಿಕೊಂಡ ಖಾನ್, ನಾನು ಹಿಂದೆ ಪ್ಲೇ ಬಾಯ್ ಆಗಿದ್ದೆ. ದೇವತೆ ಎಂದು ಯಾವತ್ತೂ ಹೇಳಿಕೊಂಡಿರಲಿಲ್ಲ ಎಂದರು.

  ಅವರು ಡಬಲ್ ಗೇಮ್ ಆಡುತ್ತಿದ್ದಾರೆ. ತನ್ನನ್ನು ಕೆಳಗಿಳಿಸಿ ಶೆಹಬಾಜ್ ಷರೀಫ್ ಅವರನ್ನು ಪ್ರಧಾನಿಯಾಗಿ ಮಾಡಿರುವ ಶಂಕೆ ಇದೆ. ನನ್ನ ಬೆನ್ನಿಗೆ ಬಾಜ್ವಾ ಅವರು ಚೂರಿಯಿಂದ ಇರಿದಿದ್ದಾರೆ. ಸೆಟಪ್ ಪ್ರಧಾನಿ ವ್ಯವಸ್ಥೆ ಜಾರಿಯಲ್ಲಿದೆ ಎಂದು ಕಿಡಿ ಕಾರಿದರು.

  ಜನರಲ್ ವಾಜ್ವಾಗೆ ಅಧಿಕಾರ ನೀಡಿರುವುದು ನನ್ನ ದೊಡ್ಡ ತಪ್ಪು. ಅವರು ಅಧಿಕಾರ ಪಡೆದ ಬಳಿಕ ಅವರ ನಿಜಬಣ್ಣ ತೋರಿಸಲು ಆರಂಭಿಸಿದರು. ಬಳಿಕ ನನ್ನ ಸರ್ಕಾರದ ವಿರುದ್ದ ಪಿತೂರಿ ನಡೆಸಿದರು ಎಂದು ಬಾಜ್ವಾ ವಿರುದ್ದ ತೀವ್ರ ವಾಗ್ದಾಳಿ ನಡೆಸಿದರು.