International
ಹಲ್ಲಿನಿಂದ 5,730 ಕೆಜಿ ಭಾರವುಳ್ಳ ಟ್ರಕ್ ಎಳೆದು ಗಿನ್ನೆಸ್ ದಾಖಲೆ ಮಾಡಿದ ವ್ಯಕ್ತಿ!
- Fri, Jan 06 2023 03:01:52 PM
-
ಈಜಿಪ್ಟ್, ಜ 06 (DaijiworldNews/DB): ಈಜಿಪ್ಟ್‌ನ ವ್ಯಕ್ತಿಯೊಬ್ಬ ತನ್ನ ಹಲ್ಲುಗಳ ಸಹಾಯದಿಂದ ಬರೋಬ್ಬರಿ 15,730 ಕೆಜಿ ಭಾರವುಳ್ಳ ಟ್ರಕ್ ಎಳೆದು ಗಿನ್ನೆಸ್ ದಾಖಲೆ ಮಾಡಿದ್ದಾನೆ!
ಹೌದು. ಅಶ್ರಫ್ ಸುಲಿಮಾನ್ ಎಂಬ ವ್ಯಕ್ತಿ ಟ್ರಕ್‌ನ್ನು ತನ್ನ ಹಲ್ಲುಗಳ ಸಹಾಯದಿಂದ ಎಳೆಯುತ್ತಿರುವ ವೀಡಿಯೋವನ್ನು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಸಂಸ್ಥೆಯೇ ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಂನಲ್ಲಿ ಪ್ರಕಟಿಸಿದೆ. ಟ್ರಕ್‌ಗೆ ಹಗ್ಗ ಕಟ್ಟಿ ಕೇವಲ ಹಲ್ಲುಗಳ ಸಹಾಯದಿಂದ ಟ್ರಕ್‌ನ್ನು ವ್ಯಕ್ತಿ ಎಳೆದಿದ್ದಾನೆ. ಈ ಟ್ರಕ್ 15,730 ಕೆಜಿ ಭಾರ ಹೊಂದಿದೆ.
ಈಜಿಪ್ಟ್‌ನ ಹೆದ್ದಾರಿಗಳ ಮೇಲೆ ಈ ವ್ಯಕ್ತಿ ಟ್ರಕ್‌ನ್ನು ಹಲ್ಲುಗಳಲ್ಲೇ ಎಳೆದಿದ್ದಾನೆ. ಈಜಿಪ್ಟ್‌ನ ಇಸ್ಮಾಯಿಲಿಯಾದಲ್ಲಿ 2021ರ ಜೂನ್ 13ರಂದು ಈ ದಾಖಲೆ ಮಾಡಿದ್ದಾನೆ. ಎರಡು ದಿನಗಳ ಹಿಂದೆ ಈ ವೀಡಿಯೋವನ್ನು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಸಂಸ್ಥೆಯು ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿದ್ದು, ನಾಲ್ಕು ಲಕ್ಷಕ್ಕೂ ಅಧಿಕ ಮಂದಿ ವೀಡಿಯೋ ವೀಕ್ಷಣೆ ಮಾಡಿದ್ದಾರೆ. ಇನ್ನು ಈತನ ದಂತ ವೈದ್ಯರು ಯಾರು ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.
ಚಾನಲ್ ಫಾಲೋ ಮಾಡಿ
