ಮನೆ ಮೇಲೆ ಗುಂಡಿನ ದಾಳಿ - 6 ತಿಂಗಳ ಹಸುಳೆ, ತಾಯಿ ಸೇರಿ ಆರು ಮಂದಿ ಬಲಿ

•   Tue, Jan 17 2023 11:00:34 AM



• ಕ್ಯಾಲಿಫೋರ್ನಿಯಾ, ಜ 17 ( DaijiworldNews/MS): ಮನೆ ಮೇಲೆ ಬಂದೂಕುಧಾರಿಗಳು ಗುಂಡಿನ ದಾಳಿ ನಡೆಸಿದ ಪರಿಣಾಮ 6 ತಿಂಗಳ ಮಗು, ತಾಯಿ ಸೇರಿದಂತೆ 6 ಮಂದಿ ಬಲಿಯಾದ ಘಟನೆ ಕ್ಯಾಲಿಫೋರ್ನಿಯಾದ ಗೋಶೆನ್ ನಲ್ಲಿ ನಡೆದಿದೆ.

  ಸೋಮವಾರ ಮುಂಜಾನೆ 3:30 ರ ವೇಳೆಗೆ ಅಪರಿಚಿತ ಇಬ್ಬರು ದುಷ್ಕರ್ಮಿಗಳು, ಮನೆ ಮೇಲೆ ದಾಳಿ ನಡೆಸಿ ಗುಂಡು ಹಾರಿಸಿದ್ದಾರೆ. ದಾಳಿಯಲ್ಲಿ 6 ತಿಂಗಳ ಹಸುಳೆ, 17 ವರ್ಷದ ತಾಯಿ ಸೇರಿದಂತೆ ಮನೆಯಲ್ಲಿದ್ದ ಇತರ ನಾಲ್ವರು ಮೃತಪಟ್ಟಿದ್ದಾರೆ.

  ಗುಂಡಿನ ದಾಳಿಯನ್ನು ನೋಡಿ ಪಕ್ಕದ ಮನೆಯವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ ಪೊಲೀಸರು ಘಟನಾ ಸ್ಥಳಕ್ಕೆ ಬಂದು ನೋಡಿದಾಗ ಮಗು, ತಾಯಿ ಸೇರಿದಂತೆ ಇತರರು ರಕ್ತದ ಮಡುವಿನ ಬಿದ್ದಿದ್ದರು. ಇನ್ನಿಬ್ಬರು ಅವಿತುಕೊಂಡ ಪರಿಣಾಮ ಗುಂಡಿನ ದಾಳಿಯಿಂದ ಪಾರಾಗಿದ್ದಾರೆ. ಇದೊಂದು ಉದ್ದೇಶಿತ ದಾಳಿ, ಡ್ರಗ್‌ ಸಂಬಂಧಿಸಿದ ದಾಳಿ ಇರಬಹುದೆಂದು ಪೊಲೀಸರು ಹೇಳಿದ್ದಾರೆ.