ಅಮೆರಿಕಾದಲ್ಲಿ ಗುಂಡಿನ ದಾಳಿಗೆ ಮತ್ತೊಬ್ಬ ಭಾರತೀಯ ಬಲಿ

•   Thu, Jan 26 2023 10:23:22 AM



• ನ್ಯೂಯಾರ್ಕ್‌, ಜ 26 (DaijiworldNews/DB): ಅಮೆರಿಕಾದ ಜಾರ್ಜಿಯಾದಲ್ಲಿ ಭಾರತೀಯ ವ್ಯಕ್ತಿಯ ಮೇಲೆ ಮೂವರು ಮುಸುಕುಧಾರಿಗಳ ತಂಡ ಗುಂಡು ಹಾರಿಸಿ ಹತ್ಯೆಗೈದ ಘಟನೆ ನಡೆದಿದೆ.

  ಪಿನಲ್‌ ಪಟೇಲ್‌ (52) ಹತ್ಯೆಯಾದವರು. ಅವರ ಪತ್ನಿ ರೂಪಾಲ್‌ಬೆನ್‌ ಪಟೇಲ್‌ ಮತ್ತು ಪುತ್ರಿ ಭಕ್ತಿ ಪಟೇಲ್‌ ಮೇಲೂ ದುಷ್ಕರ್ಮಿಗಳು ಗುಂಡು ಹಾರಿಸಿದ್ದು, ಗಾಯಗೊಂಡ ಅವರನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ತಿಳಿದು ಬಂದಿದೆ.

  ಜನವರಿ 20ರಂದು ಕೆಲಸ ಮುಗಿಸಿ ಪಿನಲ್ ಮತ್ತು ಕುಟುಂಬ ಮನೆಗೆ ಮರಳಿದ್ದರು. ಮನೆಯ ಕಾರು ಪಾರ್ಕಿಂಗ್ ಜಾಗದ ಬಳಿ ಮೂವರು ಮುಸುಕುಧಾರಿಗಳು ಇವರ ಮೇಲೆ ಗುಂಡು ಹಾರಿಸಿದ್ದಾರೆ. ಬಳಿಕ ಅವರೆಲ್ಲರೂ ಸ್ಥಳದಿಂದ ಪರಾರಿಯಾಗಿದ್ದರು. ಕಳೆದೊಂದು ವಾರದಲ್ಲಿ ಭಾರತೀಯರ ಮೇಲೆ ನಡೆದ ಎರಡನೇ ಗುಂಡಿನ ದಾಳಿ ಇದಾಗಿದೆ. ಜಾರ್ಜಿಯಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.