ಭಾರತ ಮೂಲದ ಅಮೆರಿಕನ್ ನಟಿಗೆ ನ್ಯಾಷನಲ್ ಮೆಡಲ್ ಆಫ್ ಆರ್ಟ್ಸ್‌ ಪ್ರದಾನ

•   Thu, Mar 23 2023 05:01:35 PM



• ವಾಷಿಂಗ್ಟನ್, ಮಾ 23 (DaijiworldNews/DB): ಹೊಸ ಪೀಳಿಗೆಯ ಕಥೆಗಾರರಿಗೆ ನೀಡುತ್ತಿರುವ ಬೆಂಬಲವನ್ನು ಗುರುತಿಸಿ ಭಾರತ ಮೂಲದ ಅಮೆರಿಕನ್ ನಟಿ, ನಿರ್ಮಾಪಕಿ ಮೈಂಡಿ ಕಲಿಂಗ್‌ ಅವರಿಗೆ ಅಮೇರಿಕಾದ ಅಧ್ಯಕ್ಷ ಜೋ ಬೈಡನ್ ರಾಷ್ಟ್ರೀಯ ಮಾನವೀಯತೆ ಪದಕ ನೀಡಿ ಗೌರವಿಸಿದ್ದಾರೆ.

  ಶ್ವೇತಭವನದಲ್ಲಿ ನಡೆದ ಸಮಾರಂಭದಲ್ಲಿ ಕಲಾವಿದರು, ಕಲಾ ಪೋಷಕರು ಮತ್ತು ಗುಂಪುಗಳಿಗೆ ಅಮೆರಿಕಾ ಸರ್ಕಾರದಿಂದ ನೀಡುವ ನ್ಯಾಷನಲ್ ಮೆಡಲ್ ಆಫ್ ಆರ್ಟ್ಸ್‌ ಅತ್ಯುನ್ನತ ಪ್ರಶಸ್ತಿಯನ್ನು ಮೈಂಡಿ ಅವರಿಗೆ ಬೈಡನ್ ಹಸ್ತಾಂತರಿಸಿದರು.

  ಕಲೆ ಅಭಿವೃದ್ದಿ ಮಾಡಿದ ಕಲಾವಿದರು, ವಿಶಿಷ್ಟ ಸಾಧಕರು ಮತ್ತು ಕಲಾ ಪ್ರೋತ್ಸಾಹಿಗಳಿಗೆ ಈ ಪ್ರಶಸ್ತಿಯನ್ನು ಅಮೆರಿಕಾದಲ್ಲಿ ನೀಡಲಾಗುತ್ತದೆ. ಅಮೆರಿಕದ ಪ್ರಥಮ ನಾರಿ ಜಿಲ್ ಬೈಡನ್, ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.