ಇಂಡೋನೇಷ್ಯಾದಲ್ಲಿ 6.1 ತೀವ್ರತೆಯ ಪ್ರಬಲ ಭೂಕಂಪ

•   Sun, Apr 23 2023 05:25:36 PM



• ಇಂಡೋನೇಷ್ಯಾ, ಏ 23 (DaijiworldNews/HR): ಇಂಡೋನೇಷ್ಯಾದ ಕೆಪುಲ್ವಾನ್ ಬಟುದಲ್ಲಿ 6.1 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ಯುರೋಪಿಯನ್ ಮೆಡಿಟರೇನಿಯನ್ ಭೂಕಂಪನ ಕೇಂದ್ರ ತಿಳಿಸಿದೆ.

  ಸುಮಾರು 6 ತೀವ್ರತೆಯ ಸತತ ಎರಡು ಭೂಕಂಪನ ಸಂಭವಿಸಿದ್ದು, ಮೊದಲ ಭೂಕಂಪನದ ತೀವ್ರತೆ 6.1ರಷ್ಟು ಆಗಿತ್ತು. ಕೆಲವೇ ಗಂಟೆಗಳಲ್ಲಿ ಮತ್ತೊಮ್ಮೆ 5.8ರಷ್ಟು ತೀವ್ರತೆಯ ಭೂಕಂಪ ಕಂಪಿಸಿದೆ.

  ಇನ್ನು ಮೊದಲ ಭೂಕಂಪವು 43 ಕಿಮೀ (26.72 ಮೈಲುಗಳು) ಆಳದಲ್ಲಿದ್ದರೆ ಎರಡನೆಯದು 40 ಕಿಮೀ (24.85 ಮೈಲುಗಳು) ನಲ್ಲಿತ್ತು ಎಂದು ಯುರೋಪಿಯನ್ ಮೆಡಿಟರೇನಿಯನ್ ಭೂಕಂಪನ ಕೇಂದ್ರ ಹೇಳಿದೆ.