ಒಂದೇ ಕುಟುಂಬದ ಐವರನ್ನು ಗುಂಡಿಕ್ಕಿ ಹತ್ಯೆ

•   Sun, Apr 30 2023 05:53:32 PM



• ಆಸ್ಟಿನ್‌,ಏ.30(DaijiworldNews/KK):ನೆರೆಮನೆಯ ವ್ಯಕ್ತಿಯೊಬ್ಬ 8 ವರ್ಷದ ಬಾಲಕ ಸೇರಿದಂತೆ ಒಂದೇ ಕುಟುಂಬದ ಐವರನ್ನು ಗುಂಡಿಕ್ಕಿ ಹತ್ಯೆ ಮಾಡಿದ ಘಟನೆ ಅಮೆರಿಕದ ಟೆಕ್ಸಾಸ್‌ ಪ್ರಾಂತದ ಹೂಸ್ಟನ್‌ ಸಮೀಪದ ಕ್ಲೇವ್‌ಲ್ಯಾಂಡ್‌ ಪಟ್ಟಣದಲ್ಲಿ ನಡೆದಿದೆ.

  

  ನಿದ್ದೆಯ ಸಮಯವಾಗಿದ್ದ ಕಾರಣ ತಮ್ಮ ಅಂಗಳದಲ್ಲಿ ಗಾಳಿಯಲ್ಲಿ ಗುಂಡು ಹಾರಿಸುವುದನ್ನು ನಿಲ್ಲಿಸು ಎಂದು ನೆರೆಮನೆಯವರು ತಿಳಿಸಿದ್ದಾಗ,  ಇದರಿಂದ ಕೋಪಗೊಂಡ ವ್ಯಕ್ತಿ ಮನೆಯೊಳಗೆ ನುಗ್ಗಿ, ಬಾಲಕನ ಸಹಿತ ಕುಟುಂಬದ ಐವರು ಸದಸ್ಯರ ಮೇಲೆ ತನ್ನ ಎಆರ್‌-ಸ್ಟೈಲ್‌ ರೈಫ‌ಲ್‌ನಿಂದ ಗುಂಡು ಹಾರಿಸಿ, ಹತ್ಯೆ ಗೈದು ಪರಾರಿಯಾಗಿದ್ದಾನೆ. 

  ಇನ್ನು ಆರೋಪಿಗಾಗಿ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.