ಇಸ್ಲಾಮಾಬಾದ್‌ನಲ್ಲಿ ಪಿಟಿಐ ಪಕ್ಷದ ನಾಯಕಿ ಶಿರೀನ್ ಮಜಾರಿ ಬಂಧನ

•   Fri, May 12 2023 10:51:18 AM



• ಇಸ್ಲಾಮಾಬಾದ್‌, ಮೇ 12 (DaijiworldNews/HR): ಪಾಕಿಸ್ತಾನ್ ತೆಹ್ರೀಕ್–ಇ–ಇನ್ಸಾಫ್ (ಪಿಟಿಐ) ಪಕ್ಷದ ಹಿರಿಯ ಉಪಾಧ್ಯಕ್ಷೆ, ಹಿರಿಯ ನಾಯಕಿ ಡಾ. ಶಿರೀನ್ ಮಜಾರಿ ಅವರನ್ನು ಇಸ್ಲಾಮಾಬಾದ್ ಪೊಲೀಸರು ಶುಕ್ರವಾರ ಮುಂಜಾನೆ ಫೆಡರಲ್ ರಾಜಧಾನಿಯ ಅವರ ನಿವಾಸದಿಂದ ಬಂಧಿಸಿದ್ದಾರೆ.

  ಈಗಾಗಲೇ ಇಮ್ರಾನ್ ಖಾನ್, ಅಸದ್ ಉಮರ್, ಫವಾದ್ ಚೌಧರಿ, ಶಾ ಮೆಹಮೂದ್ ಖುರೇಷಿ, ಅಲಿ ಮೊಹಮ್ಮದ್ ಖಾನ್ ಮತ್ತು ಸೆನೆಟರ್ ಎಜಾಜ್ ಚೌಧರಿ ಸೇರಿದಂತೆ ಅನೇಕ ಪಿಟಿಐ ನಾಯಕರನ್ನು ಬಂಧಿಸಿದ್ದು, ಇದೀಗ ಶಿರೀನ್ ಮಜಾರಿ ಬಂಧನವಾಗಿದೆ

  ಇನ್ನುಅಲ್‌ ಖಾದಿರ್‌ ಟ್ರಸ್ಟ್‌ ಅಕ್ರಮದಲ್ಲಿ ಬಂಧಿತರಾಗಿದ್ದ ಮಾಜಿ ಪ್ರಧಾನಿ ಇಮ್ರಾನ್‌ ಅವರನ್ನು ತತ್‌ಕ್ಷಣವೇ ತನ್ನ ಎದುರು ಹಾಜರುಪಡಿಸಬೇಕು ಎಂದು ನ್ಯಾಯಪೀಠ ಸರಕಾರ‌ಕ್ಕೆ ಆದೇಶ ನೀಡಿತ್ತು. ಅದರ ಅನ್ವಯ ಪಾಕ್‌ ಸರಕಾರ‌ ಅವರನ್ನು ಕೋರ್ಟ್‌ ಗೆ ಹಾಜರುಪಡಿಸಿತು.

  ಇಮ್ರಾನ್‌ ಖಾನ್‌ ಬಿಡುಗಡೆ ಆದೇಶ ಪ್ರಕಟವಾಗುತ್ತಿದ್ದಂತೆಯೇ ದೇಶಾದ್ಯಂತ ಅವರ ಪಕ್ಷದ ಕಾರ್ಯಕರ್ತರು ಸಂಭ್ರ ಮಾಚರಣೆ ನಡೆಸಿದ್ದಾರೆ.