ಕ್ಯಾಲೊಫೋರ್ನಿಯಾ ವಿಮಾನ ಪತನ- ಪೈಲಟ್‌ ಸೇರಿ 6 ಮಂದಿ ಸಾವು

•   Sun, Jul 09 2023 12:08:02 PM



• ಕ್ಯಾಲಿಫೋರ್ನಿಯಾ ಜು.09 (DaijiworldNews/AK): ವಿಮಾನವೊಂದು ಪತನವಾಗಿ ಪೈಲಟ್‌ ಸೇರಿದಂತೆ ಒಟ್ಟು 6 ಮಂದಿ ಮೃತಪಟ್ಟಿರುವ ಘಟನೆ ಶನಿವಾರ ಲಾಸ್ ಏಂಜಲೀಸ್ ಬಳಿಯ ಮೈದಾನದಲ್ಲಿ ನಡೆದಿದೆ.

  ಖಾಸಗಿ ಒಡೆತನದ ಸೆಸ್ನಾ C550 ಬಿಸಿನೆಸ್ ವಿಮಾನವು ಲಾಸ್ ವೇಗಾಸ್‌ನಿಂದ ಹೊರಟು ಲಾಸ್ ಏಂಜಲೀಸ್‌ನ ದಕ್ಷಿಣಕ್ಕೆ ಸುಮಾರು 137 ಕಿ.ಮೀ ರಿವರ್‌ಸೈಡ್ ಕೌಂಟಿಯ ಫ್ರೆಂಚ್ ವ್ಯಾಲಿ ವಿಮಾನ ನಿಲ್ದಾಣದ ಬಳಿ ಮುಂಜಾನೆ ಸುಮಾರು 4:15 ಗಂಟೆಗೆ ಪತನವಾಗಿದೆ ಎಂದು ಫೆಡರಲ್ ಏವಿಯೇಷನ್ ​​ಅಡ್ಮಿನಿಸ್ಟ್ರೇಷನ್ ಹೇಳಿದೆ.

  ಘಟನೆಯಲ್ಲಿ ಪೈಲಟ್ ಸೇರಿ 6ಮಂದಿ ಮೃತಪಟ್ಟಿದ್ದಾರೆ. ಘಟನೆಯಲ್ಲಿ ಮೃತಪಟ್ಟವರೆಲ್ಲ ವಯಸ್ಕರು ಎಂದು ರಾಷ್ಟ್ರೀಯ ಸಾರಿಗೆ ಸುರಕ್ಷತಾ ಮಂಡಳಿಯ ವಾಯುಯಾನ ತನಿಖಾಧಿಕಾರಿ ಎಲಿಯಟ್ ಸಿಂಪ್ಸನ್ ತಿಳಿಸಿದ್ದಾರೆ.

  ಈ ದುರಂತದ ತನಿಖೆಯನ್ನ ರಾಷ್ಟ್ರೀಯ ಸಾರಿಗೆ ಸುರಕ್ಷತಾ ಮಂಡಳಿಯು ನಡೆಸಲಿದೆ. ಮೃತರ ಹೆಸರನ್ನು ಇನ್ನು ಅಧಿಕಾರಿಗಳು ಬಹಿರಂಗಪಡಿಸಿಲ್ಲ. ಘಟನೆಯಿಂದ ಅಪಾರ ಪ್ರಮಾಣದ ಬೆಂಕಿ ಹಬ್ಬಿ ಅಕ್ಕಪಕ್ಕದ ಗಿಡಗಳಿಗೂ ಬೆಂಕಿ ಹರಡಿದೆ ಎಂದು ವರದಿ ತಿಳಿಸಿದೆ. ಈ ಹಿಂದೆ ಜು. 4 ರಂದು ಇದೇ ವಿಮಾನ ನಿಲ್ದಾಣದ ಬಳಿ ನಾಲ್ವರಿಂದ ವಿಮಾನ ಪತನವಾಗಿತ್ತು. ಆ ಘಟನೆಯಲ್ಲಿ ನಾಲ್ವರೂ ಸಾವನ್ನಪ್ಪಿದ್ದರೂ.