ಮಂಗಳೂರು: ಸ್ಟೇಟ್ ಬ್ಯಾಂಕ್ ಸರ್ವಿಸ್ ಬಸ್ ನಿಲ್ದಾಣದಲ್ಲಿ ಬಹುನಿರೀಕ್ಷಿತ ಛಾವಣಿ ನಿರ್ಮಾಣ ಕಾರ್ಯ ಆರಂಭ

•   Sat, Mar 08 2025 07:13:55 PM



• ಮಂಗಳೂರು, ಮಾ.08 (DaijiworldNews/AA): ಸ್ಟೇಟ್ ಬ್ಯಾಂಕ್‌ನ ಸರ್ವಿಸ್ ಬಸ್ ನಿಲ್ದಾಣದಲ್ಲಿ ಬಹುನಿರೀಕ್ಷಿತ ಛಾವಣಿ ನಿರ್ಮಾಣ ಕಾರ್ಯ ಅಂತಿಮವಾಗಿ ಆರಂಭಗೊಂಡಿದ್ದು, ಪ್ರಯಾಣಿಕರಿಗೆ ನಿರಾಳವಾಗಿದೆ. ಸರಿಯಾದ ಛಾವಣಿಯ ಕೊರತೆಯಿಂದ ವರ್ಷಗಳಿಂದ ನಿರಂತರ ತೊಂದರೆ ಅನುಭವಿಸುತ್ತಿದ್ದ ಪ್ರಯಾಣಿಕರ ಬಹುದಿನಗಳ ಬೇಡಿಕೆ ಈಡೇರಿದಂತಾಗಿದೆ.

  ಬಸ್ ನಿಲ್ದಾಣದ ಆರು ಪ್ಲಾಟ್‌ಫಾರ್ಮ್‌ಗಳಲ್ಲಿ ಕೇವಲ ಮೂರಕ್ಕೆ ಛಾವಣಿ ಇದ್ದು, ಉಳಿದ ಮೂರು ಪ್ಲಾಟ್‌ಫಾರ್ಮ್‌ಗಳಲ್ಲಿ ಛಾವಣಿ ಇರಲಿಲ್ಲ. ಇದೀಗ ಅಪೂರ್ಣವಾಗಿದ್ದ 3 ಪ್ಲಾಟ್‌ಫಾರ್ಮ್‌ಗಳ ನಿರ್ಮಾಣ ಕಾರ್ಯ ಪ್ರಾರಂಭವಾಗಿದ್ದು, ಕಾರ್ಯವು ಈಗಾಗಲೇ ಪ್ರಗತಿಯಲ್ಲಿದೆ. ಹೊಸ ಛಾವಣಿಯು ಪ್ರಯಾಣಿಕರಿಗೆ ನಿರಾಳತೆ ನೀಡಿದ್ದು, ಸುಡುವ ಬಿಸಿಲು ಹಾಗೂ ಮಳೆಯಿಂದ ರಕ್ಷಣೆ ನೀಡುತ್ತದೆ.

  ಸ್ಟೇಟ್ ಬ್ಯಾಂಕ್‌ನ ಸರ್ವಿಸ್ ಬಸ್ ನಿಲ್ದಾಣವು ಸಾಕಷ್ಟು ಸೌಲಭ್ಯಗಳ ಕೊರತೆಯಿಂದಾಗಿ ಗಮನಾರ್ಹ ಸವಾಲುಗಳನ್ನು ಎದುರಿಸುತ್ತಿದೆ. 4.2 ಕೋಟಿ ರೂಪಾಯಿ ವೆಚ್ಚದಲ್ಲಿ ಯೋಜಿತ ನವೀಕರಣದ ಹೊರತಾಗಿಯೂ, ಕೆಲಸವು ಹಲವಾರು ವರ್ಷಗಳಿಂದ ಅಪೂರ್ಣವಾಗಿತ್ತು.

  ವರ್ಷಗಳಿಂದ ಪ್ರಯಾಣಿಕರು ಛಾವಣಿ ಇಲ್ಲದ ಪ್ಲಾಟ್‌ಫಾರ್ಮ್‌ಗಳಲ್ಲಿ, ಮಳೆಗಾಲ ಹಾಗೂ ಬೇಸಿಗೆ ತಿಂಗಳುಗಳಲ್ಲಿ ಸಾಕಷ್ಟು ತೊಂದರೆಗಳನ್ನು ಅನುಭವಿಸಿದರು. ಬಿಸಿಲ ಬೇಗೆಯಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಪ್ರಯಾಣಿಕರು ಛತ್ರಿಗಳು ಅಥವಾ ಟವೆಲ್‌ಗಳನ್ನು ಬಳಸಬೇಕಾಯಿತು. ಇದೀಗ ಛಾವಣಿ ನಿರ್ಮಾಣದ ಪ್ರಾರಂಭವು ಪ್ರಯಾಣಿಕರಿಗೆ ಬಹುನಿರೀಕ್ಷಿತ ಪರಿಹಾರವನ್ನು ತಂದಿದೆ.