ಉಡುಪಿ: ವಿಜ್ಞಾನ ವಿಭಾಗದಲ್ಲಿ ರಾಜ್ಯಕ್ಕೆ 9ನೇ ರ‍್ಯಾಂಕ್ ಪಡೆದ ಬಾರ್ಕೂರಿನ ಜೆಸ್ಟನ್ ಡಾಯಿಸ್

•   Wed, Apr 09 2025 10:31:11 AM



• ಉಡುಪಿ, ಏ.09 (DaijiworldNews/AA): ಕರ್ನಾಟಕ ಪಿಯುಸಿ ದ್ವಿತೀಯ ವರ್ಷದ ವಿಜ್ಞಾನ ವಿಭಾಗದಲ್ಲಿ ಬಾರ್ಕೂರು ಮೂಲದ ಜೆಸ್ಟನ್ ಡಾಯಿಸ್ ಅವರು 98.5 ಶೇ. ಫಲಿತಾಂಶದೊಂದಿಗೆ ರಾಜ್ಯ ಮಟ್ಟದಲ್ಲಿ 9ನೇ ರ‍್ಯಾಂಕ್ ಗಳಿಸಿದ್ದಾರೆ.

  ಬಾರ್ಕೂರಿನ ಬೆಣ್ಣೆಕುದ್ರು ನಿವಾಸಿಯಾಗಿರುವ ಜೆಸ್ಟನ್ ಅವರು ಶಿಕ್ಷಕರಾದ ಷಾರ್ಲೆಟ್ ಮತ್ತು ಜೇಮ್ಸ್ ಡಾಯಿಸ್ ದಂಪತಿಯ ಪುತ್ರ.

  ಜೆಸ್ಟನ್ ಅವರ ಈ ಸಾಧನೆಯು ಕುಟುಂಬದ ಶೈಕ್ಷಣಿಕ ಶ್ರೇಷ್ಠತೆಯ ಪರಂಪರೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಎರಡು ವರ್ಷಗಳ ಹಿಂದೆ, ಜೆಸ್ಟನ್ ಅವರ ಸಹೋದರಿ ಜೆಸ್ವಿತಾ ಡಾಯಿಸ್ ಕೂಡ ಕರ್ನಾಟಕ ಪಿಯುಸಿ ಪರೀಕ್ಷೆಯ ವಿಜ್ಞಾನ ವಿಭಾಗದಲ್ಲಿ ರಾಜ್ಯ ಮಟ್ಟದಲ್ಲಿ 2ನೇ ರ‍್ಯಾಂಕ್ ಗಳಿಸಿ ಕುಟುಂಬಕ್ಕೆ ಕೀರ್ತಿ ತಂದಿದ್ದರು.