ಬಂಟ್ವಾಳ: ಹಾಡಹಗಲೇ ಕಲ್ಲಿನಿಂದ ದಾಳಿ , ವ್ಯಕ್ತಿ ಪಾರು - ಪ್ರಕರಣ ದಾಖಲು

•   Sat, May 31 2025 10:02:55 PM



• ಬಂಟ್ವಾಳ,ಮೇ. 31 (DaijiworldNews/AK): ಬಂಟ್ವಾಳ ತಾಲೂಕಿನ ಬಡಗಬೆಳ್ಳೂರು ಗ್ರಾಮದ ಕೊಲತ್ತಮಜಲು ಎಂಬಲ್ಲಿ ಯುವಕನೊಬ್ಬ ಕಲ್ಲು ತೂರಾಟದಿಂದ ಕೂದಲೆಳೆಯ ಅಂತರದಲ್ಲಿ ಪಾರಾದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

  ಡಿಸೆಂಬರ್ 29, 2024 ರಂದು ನಡೆದ ಘಟನೆಯ ಬಗ್ಗೆ ಬಂಟ್ವಾಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಬಡಗಬೆಳ್ಳೂರು ನಿವಾಸಿ ಶಮೀರ್ (31) ಸಲ್ಲಿಸಿದ ದೂರಿನ ಪ್ರಕಾರ, ತೇಜಕ್ಷ ಎಂದು ಗುರುತಿಸಲಾದ ಆರೋಪಿ ಉಪ್ಪಿನಂಗಡಿಯ ಸಿನಾನ್ ಪೈಝಿ ಮೇಲೆ ಹಲ್ಲೆಗೆ ಯತ್ನಿಸಿದ್ದಾನೆ.

  ಕೊಳತ್ತಮಜಲು ಎಂಬಲ್ಲಿ ಧಾರ್ಮಿಕ ಆಚರಣೆ ಮುಗಿಸಿ, ಮಧ್ಯಾಹ್ನ ಸಮಯ ಅವರ ಬೈಕಿನಲ್ಲಿ ಉಪ್ಪಿನಂಗಡಿಗೆ ಹೋಗಲೆಂದು ತೆರಳುತ್ತಿರುವಾಗ ಘಟನೆ ನಡೆದಿದೆ. ದೂರಿನ ಪ್ರಕಾರ, ತಲೆಗೆ ಕಲ್ಲಿನಿಂದ ಹೊಡೆದರೆ ಪ್ರಾಣಾಪಾಯವಾಗುತ್ತದೆ ಎಂದು ತಿಳಿದಿದ್ದರೂ ಆರೋಪಿಗಳು ಇದ್ದಕ್ಕಿದ್ದಂತೆ ಕಲ್ಲನ್ನು ಎತ್ತಿ ಹಿಂದಿನಿಂದ ಬಲವಂತವಾಗಿ ಸಿನಾನ್ ಪೈಝಿರವರ ಮೇಲೆ ಎಸೆದರು. ಅದೃಷ್ಟವಶಾತ್, ಸಿನಾನ್ ಕಲ್ಲನ್ನು ತಪ್ಪಿಸಿಕೊಂಡು ಯಾವುದೇ ಗಾಯಗಳಿಲ್ಲದೆ ಪಾರಾಗಿದ್ದಾರೆ.

  ದೂರುದಾರರು ಮತ್ತು ಸಿನಾನ್ ಪೈಝಿರವರು ಆರೋಪಿಗಳ ಭಯದಿಂದ ಮೌನವಾಗಿದ್ದರು ಎಂದು ವರದಿಯಾಗಿದೆ. ಆದಾಗ್ಯೂ, ಮೇ 31 ರಂದು ಬಂಟ್ವಾಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಔಪಚಾರಿಕ ದೂರು ದಾಖಲಾಗಿದೆ.

  ದೂರಿನ ನಂತರ, ಭಾರತೀಯ ನ್ಯಾಯ ಸಂಹಿತಾ (ಬಿಎನ್‌ಎಸ್) ಸೆಕ್ಷನ್ 110 ಅನ್ನು ಅನ್ವಯಿಸಿ ಅಪರಾಧ ಸಂಖ್ಯೆ 58/2025 ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಪೊಲೀಸರು ತನಿಖೆ ಕೈಗೊಂಡಿದ್ದಾರೆ .