ಬಂಟ್ವಾಳ: ಚಿರತೆ ಪತ್ತೆ ವಿಚಾರ: ಅರಣ್ಯಾಧಿಕಾರಿಗಳಿಂದ ಬೋನು ಅಳವಡಿಕೆ

•   Mon, Jul 21 2025 05:44:24 PM



• ಬಂಟ್ವಾಳ, ಜು. 21 (DaijiworldNews/AK):ಚಿರತೆ ಪತ್ತೆಯಾಗಿ ಆತಂಕ ಸೃಷ್ಟಿಸಿದ್ದ ಮೂಡನಡುಗೋಡು ಗ್ರಾಮದ ಬಾಬತೋಟದ ಕೃಷಿಕ ಪ್ರಕಾಶ್ ಪೂಜಾರಿ ಅವರ ಮನೆಗೆ ಬಂಟ್ವಾಳ ವಲಯ ಅರಣ್ಯ ಇಲಾಖೆಯ ತಂಡ ಭೇಟಿ ನೀಡಿ ಮನೆಯ ಪಕ್ಕದ ಗುಡ್ಡ ಪ್ರದೇಶದಲ್ಲಿ ಬೋನು ಅಳವಡಿಸಿದೆ.

  ಬಂಟ್ವಾಳ ವಲಯ ಅರಣ್ಯಾಧಿಕಾರಿ ಸುನೀಲ್ ಡಿಸೋಜ ಅವರ ಮಾರ್ಗದರ್ಶನದಲ್ಲಿ ಉಪವಲಯ ಅರಣ್ಯಾಧಿಕಾರಿ ವಿಕಾಸ್ ಶೆಟ್ಟಿ, ಅರಣ್ಯ ಪಾಲಕಿ ಸ್ಮಿತಾ ಮೊದಲಾದವರು ಪ್ರಕಾಶ್ ಪೂಜಾರಿ ಅವರ ಮನೆಗೆ ಭೇಟಿ ನೀಡಿದರು.

  ತಾಲೂಕಿನಲ್ಲಿ ಚಿರತೆಗಳಿರುವ ಒಟ್ಟು ಐದು ಸೂಕ್ಷ್ಮ ಪ್ರದೇಶಗಳನ್ನು ಪತ್ತೆ ಮಾಡಿ ಬೋನ್‌ಗಳನ್ನು ಅಳವಡಿಸಲಾಗಿದೆ ಎಂದು ವಲಯ ಅರಣ್ಯಾಧಿಕಾರಿ ತಿಳಿಸಿದ್ದಾರೆ.