ಉಡುಪಿ :ರೈಲಿನಲ್ಲಿ ಕಳೆದುಕೊಂಡ ಪ್ರಯಾಣಿಕರ ಆಭರಣ ಇದ್ದ ಬ್ಯಾಗನ್ನು ಹಿಂದಿರುಗಿಸಿದ ಆರ್‌ಪಿಎಫ್ ಸಿಬ್ಬಂದಿ

•   Thu, Oct 23 2025 02:24:33 PM



• ಉಡುಪಿ, ಅ. 23 (DaijiworldNews/AK):ಉಡುಪಿಯಲ್ಲಿ ರೈಲ್ವೆ ರಕ್ಷಣಾ ಪಡೆ (ಆರ್‌ಪಿಎಫ್) ಮತ್ತು ನಿಲ್ದಾಣದ ಸಿಬ್ಬಂದಿಯ ಸಕಾಲಿಕ ಕ್ರಮದಿಂದಾಗಿ ಬುಧವಾರ ಚಲಿಸುತ್ತಿದ್ದ ರೈಲಿನಿಂದ ಟ್ರಾಲಿ ಬ್ಯಾಗ್ ಬಿದ್ದ ಪರಿಣಾಮ ಪ್ರಯಾಣಿಕರೊಬ್ಬರಿಗೆ ಆಗಬಹುದಾಗಿದ್ದ ದೊಡ್ಡ ನಷ್ಟ ತಪ್ಪಿದೆ.

  ವರದಿಗಳ ಪ್ರಕಾರ, ರೈಲು ಸಂಖ್ಯೆ 16595 ರಲ್ಲಿ ME2 ಕೋಚ್, ಬರ್ತ್ ಸಂಖ್ಯೆ 9 ರಲ್ಲಿ ಪ್ರಯಾಣಿಸುತ್ತಿದ್ದ ಪ್ರಿಯಾ ಎಂಬ ಪ್ರಯಾಣಿಕರು ರೈಲು ಉಡುಪಿ ನಿಲ್ದಾಣವನ್ನು ಸಮೀಪಿಸುತ್ತಿದ್ದಾಗ ಆಕಸ್ಮಿಕವಾಗಿ ತನ್ನ ಟ್ರಾಲಿ ಬ್ಯಾಗ್ ಅನ್ನು ಕಳೆದುಕೊಂಡರು. ಘಟನೆ ಬಗ್ಗೆ ತಕ್ಷಣವೇ ಕರ್ತವ್ಯದಲ್ಲಿದ್ದ RPF ಸಿಬ್ಬಂದಿಗೆ ವರದಿ ಮಾಡಲಾಯಿತು.

  ತ್ವರಿತವಾಗಿ ಕಾರ್ಯಪ್ರವೃತ್ತರಾದ ಆರ್‌ಪಿಎಫ್ ತಂಡ, ಉಡುಪಿಯ ಟ್ರ್ಯಾಕ್ ಸೇಫ್ಟಿಮ್ಯಾನ್ ದಯಾನಂದ್  ಅವರು,  ಹಳಿಯಲ್ಲಿ  ಬಿದ್ದ ಸಾಮಾನುಗಳನ್ನು ಪತ್ತೆಹಚ್ಚಿದರು. ಚೀಲದಲ್ಲಿ ಸುಮಾರು 40,000 ರೂ. ಮೌಲ್ಯದ ಮೂರು ಚಿನ್ನದ ಉಂಗುರಗಳಿದ್ದವು ಎನ್ನಲಾಗಿದೆ.

  ಪ್ರಿಯಾ ಅವರು ಆರ್‌ಪಿಎಫ್ ಮತ್ತು ನಿಲ್ದಾಣದ ಸಿಬ್ಬಂದಿಯ ಸಮಯೋಚಿತ ಮತ್ತು   ತ್ವರಿತ ಸ್ಪಂದನೆಗಾಗಿ  ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದರು.