ಮಹಿಳಾ ದಿನಾಚರಣೆ ಅಂಗವಾಗಿ ಆಭರಣ ಜುವೆಲ್ಲರ್ಸ್ ರವರಿಂದ ಉಡುಪಿಯಲ್ಲಿ : ಆಭ'ರನ್' 2026

•   Thu, Mar 05 2026 05:27:20 PM



• ಉಡುಪಿ, ಮಾ. 05 (DaijiworldNews/AA): ಸ್ತ್ರೀಶಕ್ತಿ, ಸಹೋದರಿತ್ವ ಮತ್ತು ಉತ್ಸಾಹಭರಿತ ಜೀವನಕ್ಕೆ ಒಂದು ಅದ್ಭುತ ಗೌರವದ ಸಂಕೇತವಾಗಿ ಆಭ'ರನ್' - 2026 ನ್ನು ಅಂತಾರಾಷ್ಟ್ರೀಯ ಮಹಿಳಾ ದಿನವಾದ ಮಾರ್ಚ್ 8ರಂದು ಕರ್ನಾಟಕದ ಕರಾವಳಿಯ ಉಡುಪಿಯಲ್ಲಿ ಆಯೋಜಿಸಲಾಗುತ್ತಿದೆ. ಮಹಿಳೆಯರ ಧೈರ್ಯ, ಸ್ಥೈರ್ಯ ಮತ್ತು ಸಾಮೂಹಿಕ ಒಗ್ಗಟ್ಟನ್ನು ಸಂಭ್ರಮಿಸುವ ಈ ಸ್ಥಾನೀಯ ಸಮುದಾಯ ಓಟದಲ್ಲಿ ಭಾಗವಹಿಸಲು ಓಟಗಾರರನ್ನು, ವಿಹಾರಾರ್ಥಿಗಳನ್ನು ಮತ್ತು ಉತ್ಸಾಹಿ ಕುಟುಂಬಗಳನ್ನು ಆಹ್ವಾನಿಸಲಾಗುತ್ತಿದೆ.

  ಈ ಕಾರ್ಯಕ್ರಮವು ಬೆಳಿಗ್ಗೆ 6:00 ರಿಂದ 9:00 ರವರೆಗೆ ಉಡುಪಿಯ ಬ್ರಹ್ಮಗಿರಿಯ ಅಜ್ಜರಕಾಡು ಕ್ರೀಡಾಂಗಣದಲ್ಲಿ ನಡೆಯಲಿದೆ.

  ಈ ಸಮಾರಂಭವನ್ನು ಆಯೋಜಿಸಿರುವ ಆಭರಣ ಜ್ಯುವೆಲ್ಲರ್ಸ್ ನವರು ತಮ್ಮ ಕರಕೌಶಲ್ಯಕ್ಕೆ ಹೆಸರುವಾಸಿಯಾಗಿದ್ದಾರೆ ಮಾತ್ರವಲ್ಲ, ತಮ್ಮ ಸಾಮಾಜಿಕ ಕಳಕಳಿಗೂ ಮನೆಮಾತಾಗಿದ್ದಾರೆ. ಆಭ'ರನ್' ಓಟವು ಕೇವಲ ಒಂದು ಕ್ರೀಡಾ ಕಾರ್ಯಕ್ರಮವಲ್ಲ, ಇದು ಜೀವನದ ಎಲ್ಲಾ ಹಂತಗಳಲ್ಲಿ ಬದಲಾವಣೆಗೆ ಸ್ಫೂರ್ತಿ ನೀಡುವ ಮಹಿಳೆಯರಿಗೆ ಒಂದು ತುಂಬು-ಹೃದಯದ ಗೌರವವಾರ್ಪಣೆ ಎಂದರೆ ತಪ್ಪಾಗದು.

  ದೈಹಿಕ-ಸದೃಢತೆಯನ್ನು ಉದ್ದೇಶ-ಸಾಧನೆಯೊಂದಿಗೆ ಜೋಡಿಸುವ ಈ ಓಟವು ಅನುಭವಿ ಕ್ರೀಡಾಪಟುಗಳನ್ನೂ, ಮೊದಲ ಬಾರಿಯ ಓಟಗಾರರನ್ನೂ ಒಗ್ಗೂಡಿಸುತ್ತದೆ. ಆಭ'ರನ್' ಓಟದಲ್ಲಿ ಒಟ್ಟಾಗಿ ಹೆಜ್ಜೆ ಹಾಕಲು ಆಹ್ವಾನಿಸುತ್ತದೆ.

  ‎"ಈ ವರ್ಷದ ಆಭ'ರನ್' ಓಟ ನಮ್ಮ ಬಹುಮುಖ ದೃಷ್ಟಿಕೋನದ ನಿದರ್ಶನ. ಉದ್ಯಮದ ಹೊಣೆಯನ್ನು ಮೀರಿ, ಸಾಮಾಜಿಕ ಜವಾಬ್ದಾರಿಗೆ ಓಗೊಟ್ಟು ಮಹಿಳೆಯರ ಹೆಗಲಿಗೆ ಹೆಗಲುಕೊಟ್ಟು ಅವರನ್ನು ಮುನ್ನಡೆಸುವ ಪ್ರಯತ್ನ" ಎನ್ನುತ್ತಾರೆ ಆಭರಣ ಜ್ಯುವೆಲ್ಲರ್ಸ್ ಪ್ರೈವೇಟ್ ಲಿಮಿಟೆಡ್ ಇದರ ವ್ಯವಸ್ಥಾಪಕ ನಿರ್ದೇಶಕ ಸುಭಾಶ್ ಮಧುಕರ ಕಾಮತ್.

  ಕಾರ್ಯಕ್ರಮದ ಪ್ರಮುಖಾಂಶಗಳು:
  ಭಾಗವಹಿಸವವರ ವೈಯಕ್ತಿಕ ಶಕ್ತಿ ಹಾಗೂ ಸ್ಫೂರ್ತಿಯನುಸಾರ, ಕ್ರಮಿಸುವ ದೂರಕ್ಕೆ ಅನುಗುಣವಾಗಿ ಮೂರು ಆಯ್ಕೆಗಳಿವೆ:

  ಮೊದಲನೆಯದಾಗಿ, 3 ಕಿ.ಮೀ ಫನ್-ರನ್ (ನಾನ್-ಟೈಮ್ಡ್): ಉತ್ಸಾಹಭರಿತ ವಾತಾವರಣದಲ್ಲಿ ಜಾಗಿಂಗ್ /ನಡಿಗೆ. ಇದರಲ್ಲಿ ಭಾಗವಹಿಸುವವರು "ಫಿನಿಷರ್ ಮೆಡಲ್" ಮತ್ತು ಓಟದ ಬಳಿಕದ ಉಪಾಹಾರವನ್ನು ಪಡೆಯುತ್ತಾರೆ.

  ಮಹಿಳಾ ನೋಂದಣಿದಾರರಿಗೆ “ಒಬ್ಬರು ರಿಜಿಸ್ಟರ್ ಮಾಡಿದಾಗ ಇನ್ನೊಬ್ಬರಿಗೆ ಉಚಿತ” ಕೊಡುಗೆಯ ಲಾಭಾವಕಾಶವಿದೆ.

  ಎರಡನೆಯದಾಗಿ, 5 ಕಿ.ಮೀ ಟೈಮ್ಡ್ ರನ್: ಚಿಪ್-ಟೈಮ್ಡ್ ಸ್ಪರ್ಧಾತ್ಮಕ ಓಟದ ವಿಭಾಗದಲ್ಲಿ ಆನ್‌ಲೈನ್ ಫಲಿತಾಂಶಗಳು, ಇ-ಸರ್ಟಿಫಿಕೇಟ್ ಮತ್ತು ವಯಸ್ಸು ಆಧಾರಿತ ಪ್ರಶಸ್ತಿಗಳು.

  ಮೂರನೆಯದಾಗಿ, 10 ಕಿ.ಮೀ ಟೈಮ್ಡ್ ರನ್: ಈ ಓಟ ಸಹಿಷ್ಣುತೆ ಮತ್ತು ಶಕ್ತಿಯ ಪರೀಕ್ಷೆ, ಚಿಪ್ ಟೈಮಿಂಗ್ ನೊಂದಿಗೆ. ಇ-ಸರ್ಟಿಫಿಕೇಟ್ ಮತ್ತು ವಯಸ್ಸಿಗನುಗುಣವಾಗಿ ಗ್ರೂಪ್-ಬಹುಮಾನಗಳು.

  ಓಟ ಪೂರ್ತಿಗೊಳಿಸಿದ ಎಲ್ಲಾ ಫಿನಿಷರ್‌ಗಳು - ಸಾಧನೆ ಮತ್ತು ಐಕ್ಯತೆಯ ಸಂಕೇತವಾಗಿ, ವಿಶಿಷ್ಟವಾಗಿ ವಿನ್ಯಾಸಗೊಳಿಸಿದ ಮೆಡಲ್ ಗಳಿಸುತ್ತಾರೆ. ಜೊತೆಗೆ ಉಪಾಹಾರವನ್ನೂ ಪಡೆಯುತ್ತಾರೆ.

  ಬಹುಮಾನಗಳು
  5 ಕಿ.ಮೀ ಮತ್ತು 10 ಕಿ.ಮೀ ಟೈಮ್ಡ್ ಓಟದಲ್ಲಿ ಯಶಸ್ವೀ ಮೇರು-ಸಾಧಕರು, ವಯಸ್ಸಿನ ಗುಂಪುಗಳಾದ್ಯಂತ ಆಕರ್ಷಕ ನಗದು ಬಹುಮಾನಗಳನ್ನು ಪಡೆಯುತ್ತಾರೆ. ಇದು ಎಲ್ಲಾ ವಯೋಮಿತಿಗಳ ಗ್ರೂಪ್ ಗಳ ಜನರ ಭಾಗವಹಿಸುವಿಕೆಯನ್ನು ಪ್ರೋತ್ಸಾಹಿಸುತ್ತದೆ.

  ಉಡುಪಿಯ ಅಜ್ಜರಕಾಡು ಸ್ಟೇಡಿಯಂನ ಸುಂದರ ಮೈದಾನದಲ್ಲಿ ನಡೆಯುವ ಆಭ'ರನ್' 2026 - ಕರಾವಳಿಯ ಸೊಬಗು ಮತ್ತು ಸ್ಥಳೀಯ ಹುಮ್ಮಸ್ಸನ್ನು ಎತ್ತಿ ತೋರಿಸುವ ಜೊತೆಗೆ ಆರೋಗ್ಯ, ಮೋಜು ಮತ್ತು ಸಾಮೂಹಿಕ ಸಂಭ್ರಮದ ಮಹತ್ವವನ್ನು ಸಾರಿಹೇಳುತ್ತದೆ. ಸುರಕ್ಷೆ, ಸೌಲಭ್ಯ ಮತ್ತು ಪ್ರೇರಣೆಯ ಮನೋಭಾವವನ್ನು ಒಗ್ಗೂಡಿಸಿಕೊಂಡ ಈ ಕಾರ್ಯಕ್ರಮವು ಎಲ್ಲಾ ವಯಸ್ಸಿನ ಕ್ರೀಡಾಪ್ರಿಯರನ್ನು ಆಹ್ವಾನಿಸುತ್ತದೆ.

  ‎"ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಗೌರವಿಸುವಾಗ, ಸಂಭ್ರವವನ್ನು ಆಚರಿಸುವ ನಮ್ಮ ಸಂಕಲ್ಪವೇ - ಆಭ'ರನ್'. ಇದು ಫಿಟ್ನೆಸ್, ಸ್ನೇಹ ಮತ್ತು ಹಂಚಿಕೆಯ ಅನುಭವಗಳನ್ನು ಹುರಿದುಂಬಿಸುತ್ತದೆ." ಎಂದು ಹೇಳುತ್ತಾರೆ - ರೇಸ್ ಡೈರೆಕ್ಟರ್ ಲಿಖಿತ್ ಶಿವಪ್ರಸಾದ್.

  ಇಡೀ ಕರ್ನಾಟಕದ ಓಟಗಾರರನ್ನು, ಸಂಗಡಿಗರನ್ನು ಪರಿವಾರ ಸಹಿತ ಬಂದು ಈ ಹೊನ್ನ ಕಾಂತಿಯ ಮುಂಜಾವಿನ ಕಾರ್ಯಕ್ರಮವನ್ನು ಅಂದಗಾಣಿಸಲು ಆಮಂತ್ರಿಸುತ್ತೇವೆ.

  ನೋಂದಣಿ ಮತ್ತು ವಿವರಗಳು:
  ದಿನಾಂಕ: ಮಾರ್ಚ್ 8, 2026
  ಸಮಯ: ಬೆಳಿಗ್ಗೆ 6:00 ರಿಂದ 9:00 ರವರೆಗೆ.
  ಸ್ಥಳ: ಅಜ್ಜರಕಾಡು ಕ್ರೀಡಾಂಗಣ, ಬ್ರಹ್ಮಗಿರಿ, ಉಡುಪಿ, ಕರ್ನಾಟಕ.
  ಸಂಪರ್ಕಿಸಿ: theabharun@gmail.com | +91-81972-51711

  ಭಾಗವಹಿಸುವವರು ಮತ್ತು ಬೆಂಬಲಿಗರು ಸುಸಜ್ಜಿತ, ಹಬ್ಬದ ವಾತಾವರಣವನ್ನು ಎದುರುನೋಡಬಹುದು. ಇಲ್ಲಿ ಹೈಡ್ರೇಶನ್ ಜೋನ್‌ಗಳು (ನೀರಿನ ವ್ಯವಸ್ಥೆ), ವೈದ್ಯಕೀಯ ನೆರವು ಮತ್ತು ಪ್ರತಿ ಹೆಜ್ಜೆಯನ್ನೂ ಹುರಿದುಂಬಿಸುವ ಉತ್ಸಾಹಿ ಜನಸಮೂಹವಿರುತ್ತದೆ. ಇದು ಕೇವಲ ಓಟವಲ್ಲ - ಇದು ಸಬಲೀಕರಣ, ಏಕತೆ ಮತ್ತು ಸಂಭ್ರಮಾಚರಣೆಯ ಒಂದು ಉತ್ಸವ.