ಮಂಜೇಶ್ವರ: ಮೂವರು ಕಳ್ಳರನ್ನು ಹಿಡಿದು ಪೊಲೀಸರಿಗೊಪ್ಪಿಸಿದ ಸಾರ್ವಜನಿಕರು

•   Mon, Dec 18 2017 03:10:03 PM



• ಕಾಸರಗೋಡು ಡಿ 18 : ಅಂಗಡಿಗೆ ನುಗ್ಗಿ ಕಳ್ಳತನಕ್ಕೆ ಯತ್ನಿಸುತ್ತಿದ್ದಾಗ ನಾಗರಿಕರು ಮೂವರು ಕಳ್ಳರನ್ನು ಹಿಡಿದು ಪೊಲೀಸರಿಗೊಪ್ಪಿಸಿದ ಘಟನೆ ಮಂಜೇಶ್ವರದಲ್ಲಿ ನಡೆದಿದೆ. ಈ ಪೈಕಿ ಓರ್ವ ಅಪ್ರಾಪ್ತ ಬಾಲಕನಾಗಿದ್ದಾನೆ.
  ಒಂದು ಅಂಗಡಿಯಿಂದ ಕಳವು ನಡೆಸಿ ಮತ್ತೊಂದು ಅಂಗಡಿಗೆ ಕಳ್ಳತನಕ್ಕಾಗಿ ಹೊಂಚು ಹಾಕುತ್ತಿದ್ದಾಗ ಎಚ್ಚೆತ್ತ ನಾಗರಿಕರು ಮೂವರನ್ನು ಹಿಡಿದು ಪೊಲೀಸರಿಗೊಪ್ಪಿಸಿದ್ದಾರೆ. ಬಂಧಿತರಲ್ಲಿ ಮಂಜೇಶ್ವರದ ಅಬೂಬಕ್ಕರ್ ( 18) , ನಿಜಾಮುದ್ದಿನ್ ( 19) ಮತ್ತು ಅಪ್ರಾಪ್ತ ಬಾಲಕ ಒಳಗೊಂಡಿದ್ದಾರೆ. ಎರಡು ದಿನಗಳ ಹಿಂದೆ ಮಂಜೇಶ್ವರ ಪದವಿನ ಅಬೂಬಕ್ಕರ್ ರವರ ಅಂಗಡಿ ಬಾಗಿಲು ಮುರಿದು 500 ರೂ. , ಆರ್ ಸಿ ಬುಕ್ ನ್ನು ಕಳವು ಮಾಡಿದ್ದರು. ಇದಲ್ಲದೆ ಮಂಜೇಶ್ವರ ದಲ್ಲಿ ಇನ್ನೊಂದು ಅಂಗಡಿ ಕಳವು ನಡೆಸುತ್ತಿದ್ದಾಗ ಶಬ್ದ ಕೇಳಿ ಸ್ಥಳೀಯರು ಕಾರ್ಯಾಚರಣೆ ನಡೆಸಿ ಮೂವರನ್ನು ಹಿಡಿದಿದ್ದರು. ಮೊದಲ ಬಾರಿಗೆ ಇವರು ಕಳ್ಳತನ ಮಾಡಿರುವುದಾಗಿ ವಿಚಾರಣೆಯಲ್ಲಿ ತಿಳಿದುಬಂದಿದೆ ಎಂದು ಪೊಲೀಸರು ಹೇಳಿದ್ದಾರೆ.