ಕಾಸರಗೋಡು: ಇಸ್ತ್ರಿ ಅಂಗಡಿಯೇ ವೈನ್ ಶಾಪ್ - ಆರೋಪಿ ಬಂಧನ

•   Wed, Dec 20 2017 05:30:03 PM



• 
  ಕಾಸರಗೋಡು ಡಿ 20 : ಇಸ್ತ್ರಿ ಅಂಗಡಿ ಸೋಗಿನಲ್ಲಿ ಅಕ್ರಮ ವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ಆರೋಪಿಯನ್ನು ಕುಂಬಳೆ ಅಬಕಾರಿ ದಳದ ಸಿಬ್ಬಂದಿಗಳು ಬಂಧಿಸಿದ್ದಾರೆ.
  ಅಂಗಡಿಯಿಂದ 37 ಬಾಟ್ಲಿ ಮದ್ಯವನ್ನು ವಶಪಡಿಸಿಕೊಳ್ಳಲಾಗಿದೆ. ಬಂಧಿತನನ್ನು ಕುಂಬಳೆ ಕಂಚಿಕಟ್ಟೆಯ ದೇವಸ್ಯ ರಾವ್ ( 43) ಎಂದು ಗುರುತಿಸಲಾಗಿದೆ.
  ಕುಂಬಳೆ ಮೀನು ಮಾರುಕಟ್ಟೆ ರಸ್ತೆ ಬದಿ ಇಸ್ತ್ರಿ ಅಂಗಡಿ ಹೊಂದಿದ್ದು, ಈ ಅಂಗಡಿಯಲ್ಲಿ ಮದ್ಯ ಮಾರಾಟ ಮಾಡುತ್ತಿದ್ದನು. ಈ ಬಗ್ಗೆ ಲಭಿಸಿದ ಖಚಿತ ಮಾಹಿತಿಯಂತೆ ಅಬಕಾರಿ ದಳದ ಸಿಬ್ಬಂದಿಗಳು ದಾಳಿ ನಡೆಸಿದರು.