ಬಂಟ್ವಾಳದಲ್ಲಿ ನೂತನ ರಸ್ತೆ – ಚರಂಡಿ ಲೋಕಾರ್ಪಣೆ

•   Sat, Dec 23 2017 12:14:27 PM



• ಬಂಟ್ವಾಳ, ಡಿ 23: ಇಲ್ಲಿನ ಪುರಸಭಾ ವ್ಯಾಪ್ತಿಯ ನೂತನ ರಸ್ತೆ ಕಾಂಕ್ರೀಟಿಕರಣ ಮತ್ತು ಕಾಂಕ್ರೀಟ್ ಚರಂಡಿ ಕಾಮಗಾರಿ ಪೂರ್ಣಗೊಂಡಿದ್ದು ಉಸ್ತುವಾರಿ ಸಚಿವ ಬಿ.ರಮಾನಾಥ ರೈ ಉದ್ಘಾಟಿಸಿದರು.

  

  

  ಬಿ.ಮೂಡ ಗ್ರಾಮದ 11 ನೇ ವಾರ್ಡಿನಲ್ಲಿ ಪುರಸಭಾ ಎಸ್.ಸಿ.ಎಪ್.ಸಿ ಅನುದಾನದಲ್ಲಿ 15 ಲಕ್ಷ ವೆಚ್ಚದಲ್ಲಿ ನಿರ್ಮಾಣಗೊಂಡ ಮೊಡಂಕಾಪು,ರಾಜೀವ ಪಲ್ಕೆ. ಮೇಲಿನ ರಾಜೀವ ಪಲ್ಕೆ, ಯೋಗಹೋಳ್ಳರ ರಸ್ತೆ ಕಾಂಕ್ರೀಟಿಕರಣ ಮತ್ತು ಕಾಂಕ್ರೀಟ್ ಚರಂಡಿ ಕಾಮಗಾರಿ ಪೂರ್ಣಗೊಂಡಿದ್ದು, ಜನರ ಅವಕಾಶಕ್ಕೆ ತೆರೆದುಕೊಂಡಿದೆ.

  ಈ ಸಂದರ್ಭ ಪುರಸಭಾ ಅಧ್ಯಕ್ಷ ರಾಮಕೃಷ್ಣ ಆಳ್ವ, ಸದಸ್ಯ ಸದಾಶಿವ ಬಂಗೇರ, ಮಾಲಿನ್ಯ ನಿಯಂತ್ರಣ ಮಂಡಳಿಯ ಸದಸ್ಯ ಪಿಯೂಸ್ ಎಲ್ ರೋಡ್ರಿಗಸ್, ನಾಮ ನಿರ್ದೇಶನ ಸದಸ್ಯ ಲೋಲಾಕ್ಷ, ವಿಜಯ ಬ್ಯಾಂಕ್ ಮ್ಯಾನೇಜರ್ ಬೇಬಿ ಕುಂದರ್, ಎಲ್ ಡಿ ಬ್ಯಾಂಕ್ ನಿರ್ದೇಶಕ ಚಂದ್ರಶೇಖರ ಪುರಸಭಾ ಸಹಾಯಕ ಇಂಜಿನಿಯರ್ ಡೊಮಿನಿಕ್ ಡಿಮೆಲ್ಲೋಮತ್ತಿತರರು ಉಪಸ್ಥಿತರಿದ್ದರು.