ಆನೇಕಲ್‌ ಡಿ 28 : ತಾನೇ ಹೆತ್ತು ಹೊತ್ತು 2 ವರ್ಷಗಳ ಕಾಲ ಪಾಲನೆ ಪೋಷಣೆ ಮಾಡಿದ ಮಗುವನ್ನು ತಾಯಿಯೊಬ್ಬಳು ಉಸಿರುಗಟ್ಟಿಸಿ ಕೊಂದು ಪೊದೆಗೆ ಎಸೆದ ಅಮಾನವಿಯ ಘಟನೆ ಆನೇಕಲ್‌ ನ ಅವಡದೇನಹಳ್ಳಿಯಲ್ಲಿ ನಡೆದಿದೆ . ಇನ್ನು ಸ್ವಂತ ಮಗುವನ್ನು ಕೊಂದ ಕಾರಣ ತಿಳಿದರೆ ಯಾರಾದರೂ ಬೆಚ್ಚಿ ಬೀಳಬಹುದು. ಆಕೆಗಿದ್ದ ಅನೈತಿಕ ಸಂಬಂಧಕ್ಕೆ 2 ವರ್ಷದ ಮಗು ಅಡ್ಡಿಯಾಗುತ್ತದೆ ಉಸಿರುಗಟ್ಟಿಸಿ ಆಕೆ ಬರ್ಬರವಾಗಿ ಹತ್ಯೆಗೈದಿದ್ದಾಳೆ. ನಿವೇದಿತಾ ಎಂಬ ಮಹಿಳೆ ಪ್ರಿಯಕರ ಸತೀಶ್‌ ನೊಂದಿಗೆ ಸೇರಿ 2 ವರ್ಷದ ಅನ್ನಪೂರ್ಣಳನ್ನು ಹತ್ಯೆಗೈದಿದ್ದು, ಪೊಲೀಸರು ಇಬ್ಬರನ್ನೂ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ನಿವೇದಿತಾಗೆ ಸುಮಾರು 5 ವರ್ಷದ ಹಿಂದೆ ಆಕೆಯ ಮಾವ ಚಂದ್ರಶೇಖರ್‌ ಎನ್ನುವವರೊಂದಿಗೆ ವಿವಾಹವಾಗಿತ್ತು. ಆದರೂ ನಿವೇದಿತಾ ತನ್ನ ಅತ್ತೆಯ ಮಗ ಸತೀಶ್‌ನೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದಳು. ನಾಲ್ಕು ದಿನಗಳ ಹಿಂದೆ ಮಗುವನ್ನು ಮನೆಯಲ್ಲೇ ಬಿಟ್ಟು ಸತೀಶ್‌ ನೊಂದಿಗೆ ಪರಾರಿಯಾಗಿದ್ದಳು . ಇತ್ತ ಕಡೆ ಮಗುವಿನ ಆರೋಗ್ಯ ಹದಗೆಟ್ಟ ಕಾರಣ ಪತಿ ಚಂದ್ರಶೇಖರ್‌ ಮಗು ಅನ್ನಪೂರ್ಣಳನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ವಿಚಾರ ತಿಳಿದ ನಿವೇದಿತಾ ಪ್ರಿಯಕರನೊಂದಿಗೆ ಆಸ್ಪತ್ರೆಗೆ ಬಂದು ಮಗುವನ್ನು ಅಪಹರಿಸಿ ಉಸಿರುಗಟ್ಟಿಸಿ ಕೊಲೆಗೈದಿದ್ದಾಳೆ. ಮಗುವನ್ನು ಕಿಡ್ನಾಪ್ ಮಾಡುತ್ತಿರುವ ದೃಶ್ಯ ಆಸ್ಪತ್ರೆಯಲ್ಲಿರುವ ಸಿಸಿಟಿವಿಯಲ್ಲಿ ದಾಖಲಾಗಿದೆ. ಆನೇಕಲ್‌ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆಗಿಳಿದು ಪರಾರಿಯಾಗಿದ್ದ ನಿವೇದಿತಾ ಮತ್ತು ಸತೀಶ್‌ನನ್ನು ವಶಕ್ಕೆ ಪಡೆದಿದ್ದು, ಮುಗವಿನ ಶವ ಪೊದೆಯೊಂದರಲ್ಲಿ ಪತ್ತೆಯಾಗಿದೆ.
ಚಾನಲ್ ಫಾಲೋ ಮಾಡಿ
