ಕಾಸರಗೋಡು: ಪೊಲೀಸ್ ದಾಳಿ ವೇಳೆ ನದಿಗೆ ಹಾರಿದ್ದ ಯುವಕನ ಮೃತದೇಹ ಪತ್ತೆ!

•   Thu, Sep 10 2026 04:48:27 PM



• ಕಾಸರಗೋಡು, ಸೆ. 10 (DaijiworldNews/AK): ಕರಾವಳಿ ಪೊಲೀಸರು ಮರಳು ತುಂಬಿದ ದೋಣಿಯ ಮೇಲೆ ನಡೆಸಿದ ದಾಳಿಯ ಸಮಯದಲ್ಲಿ ನದಿಗೆ ಹಾರಿ ನಾಪತ್ತೆಯಾಗಿದ್ದ ಅರಿಕ್ಕಾಡಿ ಕಡವತ್ ನಿವಾಸಿ ಇಬ್ರಾಹಿಂ (35) ಅವರ ಮೃತದೇಹ ನಾಲ್ಕು ದಿನಗಳ ನಿರಂತರ ಹುಡುಕಾಟದ ನಂತರ ಸೆಪ್ಟೆಂಬರ್ 10 ಗುರುವಾರ ಪತ್ತೆಯಾಗಿದೆ.

  ಶಿರಿಯಾ ನದಿಯ ನದೀಮುಖ ಪ್ರದೇಶದಲ್ಲಿ ಮೀನುಗಾರಿಕಾ ಬಲೆಗೆ ಸಿಲುಕಿಕೊಂಡ ಸ್ಥಿತಿಯಲ್ಲಿ ಮೃತದೇಹ ಪತ್ತೆಯಾಗಿದೆ.

  ಸೆಪ್ಟೆಂಬರ್ 7 ರಂದು ರಾತ್ರಿ 8 ಗಂಟೆ ಸುಮಾರಿಗೆ, ಕರಾವಳಿ ಪೊಲೀಸರು ಶಿರಿಯಾ ನದಿಯಲ್ಲಿ ಅಕ್ರಮ ಮರಳು ಸಾಗಣೆಯನ್ನು ತಡೆಯಲು ದಾಳಿ ನಡೆಸಿದರು. ಪೊಲೀಸರನ್ನು ಕಂಡ ಮರಳು ಸಾಗಣೆದಾರರು ದೋಣಿಯನ್ನು ನದಿಯಲ್ಲಿ ಬಿಟ್ಟು ನೀರಿಗೆ ಹಾರಿದ್ದರು. ಅವರಲ್ಲಿ ಇಬ್ಬರು ಈಜಿಕೊಂಡು ದಡಕ್ಕೆ ಹೋಗುವಲ್ಲಿ ಯಶಸ್ವಿಯಾದರು. ಆದರೆ ಇಬ್ರಾಹಿಂ ಪ್ರವಾಹದ ರಭಸಕ್ಕೆ ಕೊಚ್ಚಿ ಹೋಗಿ ನಾಪತ್ತೆಯಾಗಿದ್ದರು.

  ಕಳೆದ ಮೂರು ದಿನಗಳಿಂದ ಕರಾವಳಿ ಪೊಲೀಸರು, ಕುಂಬ್ಳೆ ಪೊಲೀಸರು ಮತ್ತು ಸ್ಥಳೀಯ ಮೀನುಗಾರರು ತೀವ್ರ ಶೋಧ ನಡೆಸುತ್ತಿದ್ದರು. ರಕ್ಷಣಾ ಕಾರ್ಯಾಚರಣೆಯನ್ನು ಚುರುಕುಗೊಳಿಸಲು, ಗುರುವಾರ ಬೆಳಿಗ್ಗೆ ಉಡುಪಿ ಮೂಲದ ಖ್ಯಾತ ಮುಳುಗು ತಜ್ಞ ಈಶ್ವರ್ ಮಲ್ಪೆ ಅವರ ತಂಡವನ್ನು ವ್ಯಾಪಕವಾದ ನೀರಿನ ಅಡಿಯಲ್ಲಿ ಹುಡುಕಾಟದ ಬಳಿಕ ಮೃತದೇಹವನ್ನು ಹೊರತೆಗೆಯಲಾಯಿತು.

  ಕುಂಬ್ಳೆ ಕರಾವಳಿ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಮಹಜರು ನಡೆಸಿದರು. ಮೃತ ಇಬ್ರಾಹಿಂ ಆರಿಕ್ಕಾಡಿ ಕಡವತ್ನ್‌ ಅಬ್ದುಲ್ ಖಾದರ್ ಮತ್ತು ಝೈನಾಬಾ ದಂಪತಿಯ ಪುತ್ರ