ಮಂಗಳೂರು: ಅಪಘಾತದಲ್ಲಿ ಚಿಕಿತ್ಸೆ ಪಡೆದು ಆಸ್ಪತ್ರೆಯಿಂದ ರಮಾನಾಥ್ ರೈ ಬಿಡುಗಡೆ

•   Wed, Sep 23 2026 11:46:49 AM



• ಮಂಗಳೂರು, ಸೆ.23 (DaijiworldNews/AK): ಕಾರ್ಕಳದ ಸಾಣೂರು ಬಳಿ ಭಾನುವಾರ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದ ಮಾಜಿ ಸಚಿವ ಬಿ. ರಮಾನಾಥ್ ರೈ ಅವರನ್ನು ಮಂಗಳವಾರ ಸಂಜೆ ಡಿಸ್ಚಾರ್ಜ್ ಮಾಡಲಾಗಿದೆ.

  ಡಿಸ್ಚಾರ್ಜ್ ಆದ ನಂತರ, ವೈದ್ಯರು ಮಾಜಿ ಸಚಿವರಿಗೆ 15 ದಿನಗಳ ಕಾಲ ಮನೆಯಲ್ಲಿ ವಿಶ್ರಾಂತಿ ಪಡೆಯುವಂತೆ ಸೂಚಿಸಿದ್ದಾರೆ.

  ರೈ ಅವರ ಕಾರು ಖಾಸಗಿ ಬಸ್‌ಗೆ ಮುಖಾಮುಖಿ ಡಿಕ್ಕಿ ಹೊಡೆದ ಪರಿಣಾಮ ಅಪಘಾತ ಸಂಭವಿಸಿದೆ. ಅವರು ಅಪಾಯದಿಂದ ಪಾರಾಗಿದ್ದರೂ, ಕಾರಿನಲ್ಲಿ ಅವರೊಂದಿಗೆ ಪ್ರಯಾಣಿಸುತ್ತಿದ್ದ ಅವರ ಆಪ್ತ ಸಹಾಯಕ ಡೆನ್ಜಿಲ್ ನೊರೊನ್ಹಾ , ಚರಣ್ ಮತ್ತು ಚಾಲಕ ಅಭಿಷೇಕ್ ಕೂಡ ಗಾಯಗೊಂಡಿದ್ದಾರೆ.

  ಡೆನ್ಜಿಲ್ ನೊರೊನ್ಹಾ ಅವರನ್ನು ಹೊರತುಪಡಿಸಿ, ಉಳಿದ ಎಲ್ಲಾ ಗಾಯಾಳುಗಳು ಮಂಗಳೂರಿನ ಯೆನೆಪೋಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಚೇತರಿಸಿಕೊಂಡು ಮನೆಗೆ ಮರಳಿದ್ದಾರೆ.