ಮಂಗಳೂರು, ಅ.23 (DaijiworldNews/AA): 18ನೇ ವರ್ಷದ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಹಾಗೂ ಸಾಂಸ್ಕೃತಿಕ ಸಿಂಚನ 2026 ಕಾರ್ಯಕ್ರಮವು ಮಂಗಳೂರಿನ ಕುಡುಪು ಕುಲಶೇಖರದ ಜ್ಯೋತಿನಗರದ ಶ್ರೀ ಧರ್ಮಶಾಸ್ತ ಮಂದಿರ ಟ್ರಸ್ಟ್ ವತಿಯಿಂದ ಶ್ರೀ ಧರ್ಮಶಾಸ್ತ ಮಂದಿರದಲ್ಲಿ ನವೆಂಬರ್ 1 ಭಾನುವಾರದಂದು ಜರುಗಲಿದೆ.


ಶ್ರೀ ಧರ್ಮಶಾಸ್ತ ಮಂದಿರದ ಆಡಳಿತ ಮಂಡಳಿಯು ಭಕ್ತರಿಗಾಗಿ ಹಲವು ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. ಭಾನುವಾರ ಬೆಳಗ್ಗೆ 8:30ಕ್ಕೆ ಸಾಮೂಹಿಕ ಪ್ರಾರ್ಥನೆ, 9:00 ರಿಂದ 10:30ರವರೆಗೆ ವಿವಿಧ ಸಾಂಸ್ಕೃತಿಕ ಸ್ಪರ್ಧೆಗಳು ನಡೆಯಲಿವೆ. 10:30 ಕ್ಕೆ ಶ್ರೀ ಸತ್ಯನಾರಾಯಣ ಪೂಜೆ ಆರಂಭವಾಗಲಿದ್ದು, 12:00 ಗಂಟೆಗೆ ಮಹಾಪೂಜೆ ಪ್ರಸಾದ ವಿತರಣೆ, 1:00 ಗಂಟೆಯಿಂದ 3:00 ಗಂಟೆವರೆಗೆ ಸಾರ್ವಜನಿಕ ಅನ್ನಸಂತರ್ಪಣೆ ನಡೆಯಲಿದೆ. ಸಂಜೆ 4:30 ರಿಂದ 6:30ರವರೆಗೆ ಭಕ್ತಿಗೀತೆ ಸ್ಪರ್ಧೆ ನಡೆಯಲಿದೆ. ರಾತ್ರಿ 7:00 ಗಂಟೆಗೆ ಸಭಾ ಕಾರ್ಯಕ್ರಮ ಆರಂಭವಾಗಲಿದ್ದು, ಬಹುಮಾನ ವಿತರಣೆ, ಹಿರಿಯರಿಗೆ ಹಾಗೂ ಸಾಧಕರಿಗೆ ಸನ್ಮಾನ ಮಾಡುವ ಜೊತೆಗೆ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಲಿವೆ.
ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶ್ರೀ ಧರ್ಮಶಾಸ್ತ ಮಂದಿರ ಟ್ರಸ್ಟ್(ರಿ.) ನ ಮ್ಯಾನೇಜಿಂಗ್ ಟ್ರಸ್ಟಿ ನ್ಯಾಯವಾದಿ ರಾಮ್ಪ್ರಸಾದ್ ಎಸ್. ಅವರು ವಹಿಸಲಿದ್ದಾರೆ. ಗೌರವಾಧ್ಯಕ್ಷರಾಗಿ ಮ.ನ.ಪಾ ಸದಸ್ಯರು ಹಾಗೂ ಮಾಜಿ ಮೇಯರ್ ಆದ ಭಾಸ್ಕರ್ ಕೆ. ಅವರು ಭಾಗವಹಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಮಂಗಳೂರು ಎ.ಜೆ ಗ್ರೂಪ್ ಆಫ್ ಇನ್ಸಿಟ್ಯೂಷನ್ ನ ಸಂಸ್ಥಾಪಕ ಅಧ್ಯಕ್ಷರಾದ ಎ.ಜೆ. ಶೆಟ್ಟಿ, ಮಂಗಳೂರು ದಕ್ಷಿಣ ಮಂಡಲದ ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷರಾದ ಅಶ್ವಿತ್ ಕೊಟ್ಟಾರಿ, ಉಡುಪಿ ಕುತ್ಪಾಡಿ ಎಸ್ಡಿಎಂ ಆಯುರ್ವೇದ ಕಾಲೇಜಿನ ಪಿ.ಜಿ. ಮತ್ತು ಪಿಹೆಚ್ಡಿ ವಿಭಾಗದ ಸಹ ಪ್ರಾಧ್ಯಾಪಕರಾದ ಡಾ.ಶೈಲೇಶ್ ವೈ. ಆಚಾರ್ಯ ಹಾಗೂ ಮಂಗಳೂರು ವಿಶ್ವವಿದ್ಯಾನಿಲಯದ ವೀರರಾಣಿ ಅಬ್ಬಕ್ಕ ಅಧ್ಯಯನ ಪೀಠದ ಸದಸ್ಯರಾದ ಧನಲಕ್ಷ್ಮಿ ಗಟ್ಟಿ ಅವರು ಭಾಗವಹಿಸಲಿದ್ದಾರೆ.
ರಾತ್ರಿ 9:00 ಗಂಟೆಯಿಂದ ರಮೇಶ್ ಟೈಲರ್ ರಚಿಸಿ, ನಿರ್ದೇಶಿಸಿರುವ ತುಳು ಹಾಸ್ಯಮಯ ಸಾಂಸಾರಿಕ ನಾಟಕ 'ಉಂದು ಸತ್ಯನ?' ಪ್ರದರ್ಶನಗೊಳ್ಳಲಿದೆ.
ಸಾಂಸ್ಕೃತಿಕ ಸ್ಪರ್ಧೆಗಳ ವಿವರ:
* ಬೆಳಗ್ಗೆ 9:00 ಕ್ಕೆ: ರಂಗೋಲಿ ಸ್ಪರ್ಧೆ (ಮಹಿಳೆಯರಿಗಾಗಿ)
* ಬೆಳಗ್ಗೆ 9:30 ಕ್ಕೆ: ಹೂ ಕಟ್ಟುವ ಸ್ಪರ್ಧೆ (ಮಹಿಳೆಯರಿಗಾಗಿ)
* ಬೆಳಗ್ಗೆ 10:00 ರಿಂದ 10:30 ರವರೆಗೆ: ಅಯ್ಯಪ್ಪ ಸ್ವಾಮಿಯ ಚಿತ್ರ ಬಿಡಿಸುವ ಸ್ಪರ್ಧೆ
ಕಿರಿಯ ವಿಭಾಗ (1 ರಿಂದ 4ನೇ ತರಗತಿ)
ಹಿರಿಯ ವಿಭಾಗ (5 ರಿಂದ 7ನೇ ತರಗತಿ)
ಪ್ರೌಢ ವಿಭಾಗ (8ನೇ ತರಗತಿಯಿಂದ ಮೇಲ್ಪಟ್ಟ ಎಲ್ಲಾ ವಿದ್ಯಾರ್ಥಿಗಳಿಗೆ)
* ಸಂಜೆ 4:30 ಕ್ಕೆ: ಭಕ್ತಿಗೀತೆ ಸ್ಪರ್ಧೆ (ಅವಧಿ 3 ನಿಮಿಷ ಮಾತ್ರ)
ಕಿರಿಯ ವಿಭಾಗ (1 ರಿಂದ 4ನೇ ತರಗತಿ)
ಹಿರಿಯ ವಿಭಾಗ (5 ರಿಂದ 7ನೇ ತರಗತಿ)
ಪ್ರೌಢ ವಿಭಾಗ (8ನೇ ತರಗತಿಯಿಂದ ಮೇಲ್ಪಟ್ಟ ಎಲ್ಲಾ ವಿದ್ಯಾರ್ಥಿಗಳಿಗೆ)
ವಿಶೇಷ ಸೂಚನೆ: ರಂಗೋಲಿ ಸ್ಪರ್ಧೆಗೆ ಬೇಕಾದ ಕಲರ್ ಹುಡಿಗಳನ್ನು, ಹೂ ಕಟ್ಟುವ ಸ್ಪರ್ಧೆಗೆ ಬೇಕಾದ ಹೂ ಹಾಗೂ ಸಲಕರಣೆಗಳನ್ನು ಸ್ಪರ್ಧಾಳುಗಳು ತರಬೇಕು. ಇನ್ನು ಚಿತ್ರ ಬಿಡಿಸುವ ಸ್ಪರ್ಧೆಗೆ ಕಾಗದವನ್ನು ಮಾತ್ರ ಮಂದಿರದಲ್ಲಿ ಸ್ಪರ್ಧಾಳುಗಳಿಗೆ ನೀಡಲಾಗುತ್ತದೆ. ಸ್ಪರ್ಧಾಳುಗಳು ತಮಗೆ ಬೇಕಾದ ಬಣ್ಣದ ವಸ್ತುಗಳನ್ನು ಅವರೇ ತರತಕ್ಕದ್ದು.
* ಸ್ಪರ್ಧಿಗಳು ತಮ್ಮ ಹೆಸರನ್ನು ರಮೇಶ್ ಮೂಡುಶೆಡ್ಡೆ(9972718010) ಅವರಲ್ಲಿ ನೊಂದಾಯಿಸಬಹುದು.
* ಸ್ಪರ್ಧೆಗಳಿಗೆ ಭಾಗವಹಿಸಲಿಚ್ಛಿಸುವ ಸ್ಪರ್ಧಾಳುಗಳು ತಮ್ಮ ಹೆಸರನ್ನು ನ.1ರ ಬೆಳಗ್ಗೆ 8:00 ಗಂಟೆಯ ಒಳಗೆ ನೀಡತಕ್ಕದ್ದು.
* ಸ್ಪರ್ಧಿಗಳು ನಿಗದಿಪಡಿಸಿದ ಸಮಯಕ್ಕೆ ಮಂದಿರದಲ್ಲಿ ಹಾಜರಿರಬೇಕು.
* ನಿರ್ಣಾಯಕರ ತೀರ್ಮಾನವೇ ಅಂತಿಮ.