ಪನೋಲಿಬೈಲಿನಲ್ಲಿ ಕಳ್ಳರ ಕೈಚಳಕ- ಸ್ಥಳಕ್ಕಾಗಮಿಸಿದ ಶ್ವಾನದಳ

•   Tue, Jan 16 2018 12:43:40 PM



• 
  ಬಂಟ್ವಾಳ, ಜ 16: ಮನೆಗೆ ನುಗ್ಗಿ ಲಕ್ಷಾಂತರ ರೂಪಾಯಿ ಮೌಲ್ಯದ ನಗ, ನಗದು ಕಳವುಗೈದ ಘಟನೆ ತಾಲೂಕಿನ ಪನೋಲಿಬೈಲು ಬಳಿ ನಡೆದಿದೆ. ಪನೋಲಿಬೈಲು ನಿವಾಸಿ ಮಧುಕೃಷ್ಣ ಅವರ ಮನೆಗೆ ಜ 15 ರ ಭಾನುವಾರ ರಾತ್ರಿ ನುಗ್ಗಿದ ಕಳ್ಳರು ಲಕ್ಷಾಂತರ ರೂ ಮೌಲ್ಯದ ವಸ್ತುಗಳನ್ನು ದೋಚಿಕೊಂಡು ಹೋಗಿದ್ದಾರೆ. ಮನೆ ಮಂದಿ ಮನೆಯಲ್ಲಿ ಮಲಗಿರುವ ಸಂದರ್ಭದಲ್ಲಿ ಹಿಂದಿನ ಬಾಗಿಲು ‌ಮುರಿದು ಮನೆಯ ಒಳಗೆ ನುಗ್ಗಿ ದ ಕಳ್ಳರು ಕೋಣೆಯ ಲ್ಲಿದ್ದ ಗೋಡ್ರಜ್ ನ ಬಾಗಿಲು ಮುರಿದು ಅದರೊಳಗೆ ಇದ್ದ ಏಳು ವರೆ ಪವನ್ ಚಿನ್ನ, ಸುಮಾರು ಅರುವತ್ತು ಸಾವಿರ ರೂ ಮೌಲ್ಯದ ಬೆಳ್ಳಿ ಮತ್ತು ಮೂವತ್ತೈದು ಸಾವಿರ ರೂ ನಗದು ಕಳ್ಳರು ದೋಚಿಕೊಂಡು ಹೋಗಿದ್ದಾರೆ. ಸ್ಥಳಕ್ಕೆ ಬಂಟ್ವಾಳ ನಗರ ಠಾಣಾ ಎಸೈ ಚಂದ್ರಶೇಖರ, ಅಪರಾದ ವಿಭಾಗದ ಎಸೈ ಹರೀಶ್ , ಎ.ಎಸೈ ಸಂಜೀವ, ಎಚ್.ಸಿ.ಸುರೇಶ್ ಪಡಾರ್, ಬೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ. ಬೆರೆಳಚ್ಚು ತಜ್ಞರು ಮತ್ತು ಶ್ವಾನದಳ ಸ್ಥಳಕ್ಕೆ ಬೇಟಿ ನೀಡಿದೆ.