ಮಂಗಳೂರು, ಅ.30 (DaijiworldNews/AK): ನಗರದ ಕೊಟ್ಟಾರದಲ್ಲಿರುವ ಇನ್ಫೋಸಿಸ್ ಟೆಕ್ ಪಾರ್ಕ್ ಅಸ್ತಿಯನ್ನು ರಿಯಲ್ ಎಸ್ಟೇಟ್ ಸಂಸ್ಥೆ ಮುಕುಂದ್ ರಿಯಾಲ್ಟಿ ಸ್ವಾಧೀನಪಡಿಸಿಕೊಂಡಿದೆ. ಶುಕ್ರವಾರ ಸಂಜೆ ಈ ಕಟ್ಟಡವನ್ನು ಮುಕುಂದ್ ರಿಯಾಲ್ಟಿ ಬ್ರಾಂಡ್ ನೇಮ್ ನೊಂದಿಗೆ ಅನಾವರಣಗೊಳಿಸಲಾಯಿತು.








ಕರ್ಣಾಟಕ ಬ್ಯಾಂಕ್ ಜನರಲ್ ಮ್ಯಾನೇಜರ್ ಚಂದ್ರಶೇಖರ್ ಅನಾವರಣಗೊಳಿಸಿದರು. ಮುಕುಂದ್ ರಿಯಾಲ್ಟಿಯ ಮ್ಯಾನೇಜಿಂಗ್ ಪಾಲುದಾರರಾದ ಗುರುದತ್ ಶೆಣೈ ಮಹೇಶ್ ಶೆಟ್ಟಿ ಮತ್ತು ಮಂಗಲದೀಪ್ ಎ. ಆರ್ ಹಾಜರಿದ್ದರು.
ಈ ಇನ್ಪೋಸಿಸ್ ಟೆಕ್ ಪಾರ್ಕ್ ಅಸ್ತಿಯ ವರ್ಗಾವಣೆ ಮತ್ತು ಒಪ್ಪಂದ ಪ್ರಕ್ರಿಯೆಗಳು ಅ.೨೩ ರಂದು ಅಧಿಕೃತವಾಗಿ ಪೂರ್ಣಗೊಂಡಿತ್ತು. ಇಲ್ಲಿ ಒಟ್ಟು ೨.೭೫ ಎಕರೆ ಜಾಗವಿದ್ದು, ಅತ್ಯಾಕರ್ಷಕ ಕಟ್ಟಡದೊಂದಿಗೆ ದಶಕಗಳಿಂದ ನಗರ ಪ್ರಮುಖ ಅಕರ್ಷಣೆಯಾಗಿ ಮೂಡಿ ಬಂದಿದೆ. ಮುಕುಂದ್ ರಿಯಾಲ್ಟಿ ಈ ಅಸ್ತಿಯನ್ನು ಸ್ವಾಧೀನಪಡಿಸಿಕೊಂಡ ಬಳಿಕ ಐಟಿ ಸೇರಿದಂತೆ ತಂತ್ರಜ್ಞರು, ವೃತ್ತಿಪರರಿಗೆ ವರ್ಕ್ ಸ್ಪೇಸ್ ನೀಡುವ ಉದ್ದೇಶ ಹೊಂದಿದೆ.
ಸಿಲಿಕಾನ್ ಬೀಚ್ ಪ್ರಾಜೆಕ್ಟ್ ಹಾಗೂ ಬ್ಯಾಕ್ ಟು ಊರು ಕಾರ್ಯಕ್ರಮಗಳಿಗೆ ಬೆಂಬಲ ನೀಡುವ ಉದ್ದೇಶದಿಂದ ಈ ಹೊಸ ಮೂಲಸೌಕರ್ಯವನ್ನು ಒದಗಿಸಲಾಗುತ್ತಿದೆ. ಇದರಿಂದಾಗಿ ಹೊರ ಊರುಗಳಲ್ಲಿ ಕೆಲಸ ಮಾಡುತ್ತಿರುವ ಸ್ಫಳೀಯ ತಂತ್ರಜ್ಞರು ಮತ್ತು ಮೃತ್ತಿಪರರು ಮರಳಿ ಸ್ವಂತ ಊರಿಗೆ ಬಂದು ಕಾರ್ಯನಿರ್ವಹಿಸಲು ಅನುಕೂಲವಾಗಲಿದೆ. ಮುಕುಂದ್ ರಿಯಾಲ್ಟಿ ಅಂಗ ಸಂಸ್ಥೆಯಾದ ವರ್ಟೆಕ್ಸ್ ವರ್ಕ್ ಸ್ಪೇಸಸ್ ಮೂಲಕ ಇದನ್ನು ಕಾರ್ಯಗತಗೊಳಿಸಲಾಗುವುದು. ಪ್ರಸ್ತುತ ಇಲ್ಲಿ ೧೨೦೦ ಸೀಟಿಂಗ್ ಸಾಮರ್ಥವಿದ್ದು, ಇದನ್ನು ೨ ಸಾವಿರಕ್ಕೆ ಏರಿಸಲಾಗುವುದು ಎಂದು ಗುರುದತ್ ಶೆಣೈ ತಿಳಿಸಿದರು.