ಕಾಸರಗೋಡು: ಭೀಕರ ಅಪಘಾತದಲ್ಲಿ ವಿದ್ಯಾರ್ಥಿ ಸಾವು, ಶಿಕ್ಷಕರಿಗೆ ಗಂಭೀರ ಗಾಯ

•   Fri, Oct 13 2017 02:27:44 PM



• ಕಾಸರಗೋಡು, ಅ 13: ನಿಯಂತ್ರಣ ತಪ್ಪಿದ ಸ್ಕೂಟರ್ ರಸ್ತೆ ಬದಿಯ ವಿದ್ಯುತ್  ಕಂಬಕ್ಕೆ  ಡಿಕ್ಕಿ ಹೊಡೆದು, ವಿದ್ಯಾರ್ಥಿ ಮೃತಪಟ್ಟು, ಅಧ್ಯಾಪಕ ಗಾಯಗೊಂಡ ಹೃದಯ ವಿದ್ರಾವಕ ಘಟನೆ  ಕಾಸರಗೋಡು ಮೇಲ್ಪರಂದ  ಒಳವಂಗರದಲ್ಲಿ ನಡೆದಿದೆ.

   

  

  

  

   

  ಮೃತಪಟ್ಟ ಬಾಲಕನನ್ನು ತಳಿಪರಂಬದ ಮನ್ಸೂಕ್ ( 16) ಎಂದು ಗುರುತಿಸಲಾಗಿದೆ. ಈತ  ಕಳ್ನಾಡ್ ದೇಳಿ ಸಆದಿಯ ಶಾಲೆಯ ಪ್ಲಸ್ ವನ್ ವಿದ್ಯಾರ್ಥಿಯಾಗಿದ್ದನು. ಸ್ಕೂಟರ್ ಚಲಾಯಿಸುತ್ತಿದ್ದ ಅಧ್ಯಾಪಕ ಅಬ್ದುಲ್ ನೂರಾನಿ ( 26 ) ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಬ್ತಳಿಪರಂಬ ನಿವಾಸಿಯಾಗಿರುವ ಮನ್ಸೂಕ್ ಬೆಳಗ್ಗೆ ರೈಲಿನಲ್ಲಿ ಕಾಸರಗೋಡಿಗೆ ಆಗಮಿಸಿದ್ದು , ರೈಲು ನಿಲ್ದಾಣದಿಂದ ಅಧ್ಯಾಪಕ ನೂರಾನಿ ಕಾಲೇಜಿಗೆ ಕರೆದುಕೊಂಡು ಬರುತ್ತಿದ್ದ ವೇಳೆ ನಿಯಂತ್ರಣ ತಪ್ಪಿದ ಸ್ಕೂಟರ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಗಂಭೀರ ಸ್ಥಿತಿಯಲ್ಲಿದ್ದ ಮನ್ಸೂಕ್ ನನ್ನು ಮಂಗಳೂರು ಆಸ್ಪತ್ರೆಗೆ ತಲುಪಿಸಿದರೂ ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದ್ದಾನೆ.

  ಎದುರಿನಿಂದ ಅತಿ ವೇಗದಲ್ಲಿ ಬರುತ್ತಿದ್ದ ಟೆಂಪೋವೊಂದಕ್ಕೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಯತ್ನಿಸಿದಾಗ ನಿಯಂತ್ರಣ ತಪ್ಪಿದ ಸ್ಕೂಟರ್ ಅಪಘಾತಕ್ಕೀಡಾಗಿದೆ. ಈ ಕುರಿತು ಬೇಕಲ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.