ಕಾಸರಗೋಡು: ಪುಟ್ಟ ಬಾಲಕನಿಗೆ ಬಲವಂತವಾಗಿ ಬಿಯರ್ ಕುಡಿಸಿದ ದುಷ್ಕರ್ಮಿ

•   Fri, Nov 24 2017 11:15:45 AM



• ಕಾಸರಗೋಡು, ನ 24: ಹದಿನಾಲ್ಕರ ಹರೆಯದ ಶಾಲಾ ವಿದ್ಯಾರ್ಥಿಯೋರ್ವನಿಗೆ ಬಲವಂತವಾಗಿ ಬಿಯರ್ ಕುಡಿಸಿ ಬಳಿಕ ಕಿರುಕುಳ ನೀಡಿದ ಘಟನೆ ಕಾಸರಗೋಡಿನಲ್ಲಿ ನಡೆದಿದೆ.

  

   

  ಕುಂಡಂಕುಳಿ ಮಜೀದ್ (36) ಬಂಧಿತ ಆರೋಪಿ. ಜನವಾಸವಿಲ್ಲದ ಮನೆಗೆ ವಿದ್ಯಾರ್ಥಿಯನ್ನು ಕರೆದೊಯ್ದು  ಬಿಯರ್ ಕುಡಿಸಿದ್ದು, ಸಲಿಂಗರತಿ ಕಿರುಕುಳ ನೀಡಿದ್ದಾನೆ.

  ಆರೋಪಿಯನ್ನು ಕಾಸರಗೋಡು ಪ್ರಥಮ ದರ್ಜೆ ಮೆಜಿ ಸ್ಟ್ರೇಟ್ ನ್ಯಾಯಾಲಯದಲ್ಲಿ ಪೊಲೀಸರು ಹಾಜರುಪಡಿಸಿದ್ದು, ನ್ಯಾಯಾಂಗ ಬಂಧನದಲ್ಲಿರಿಸಲಾಗಿದೆ.

  ಘಟನೆಯ ವಿವರ:

  9 ನೇ ತರಗತಿ ವಿದ್ಯಾರ್ಥಿಗೆ ಸಲಿಂಗರತಿ ಕಿರುಕುಳ ನೀಡಲಾಗಿತ್ತು. ಇದೀಗ ಆತನನ್ನು ನಗರದ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ಬಾಲಕ ಮೀನು ಖರೀದಿಸಲೆಂದು ಕುಂಡಂಕುಳಿ ಪೇಟೆಗೆ ಬಂದಾಗ ಆರೋಪಿ ಆತನನ್ನು ಅಲ್ಲೇ ಪಕ್ಕದ ಜನವಾಸವಿಲ್ಲದ ಮನೆಯೊಂದಕ್ಕೆ ಕರೆದೊಯ್ದು  ಬಲವಂತವಾಗಿ ಬಿಯರ್ ಕುಡಿಸಿದ ಬಳಿಕ ಸಲಿಂಗರತಿ ಕಿರುಕುಳ ನೀಡಿದ್ದಾನೆ ಎಂದು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ.