'ನನ್ನ ಕುಟುಂಬಕ್ಕೆ ನ್ಯಾಯ ಬೇಕು': ಶಾಸಕ ಜೀಶನ್ ಸಿದ್ದಿಕ್

•   Thu, Oct 17 2024 08:08:25 PM



• ಮುಂಬೈ,ಅ.17(DaijiworldNews/TA):ಕಳೆದ ವಾರ ಮಹಾರಾಷ್ಟ್ರದ ಮಾಜಿ ಸಚಿವ ಬಾಬಾ ಸಿದ್ದಿಕ್ ಅವರನ್ನು ಗುಂಡಿಕ್ಕಿ ಕೊಂದ ನಂತರ ಮೊದಲ ಪ್ರತಿಕ್ರಿಯೆಯಾಗಿ ಬಾಂದ್ರಾ ಪೂರ್ವ ಶಾಸಕ ಜೀಶನ್ ಸಿದ್ದಿಕ್ ಅವರು ನನಗೆ ಮತ್ತು ಅವರ ಕುಟುಂಬಕ್ಕೆ ನ್ಯಾಯ ಬೇಕು ಎಂದು ಹೇಳಿದ್ದಾರೆ. ಸಿದ್ದಿಕ್ ಅವರು ತಮ್ಮ ತಂದೆಯ ಸಾವನ್ನು ರಾಜಕೀಯಗೊಳಿಸಬಾರದು ಮತ್ತು ವ್ಯರ್ಥವಾಗಬಾರದು ಎಂದು ಮನವಿ ಮಾಡಿದರು.

  

  ಗುರುವಾರ ಎಕ್ಸ್‌ನಲ್ಲಿನ ಪೋಸ್ಟ್‌ನಲ್ಲಿ, ಜೀಶನ್ ಸಿದ್ದಿಕ್ ಹೀಗೆ ಬರೆದಿದ್ದಾರೆ: "ನನ್ನ ತಂದೆ ಬಡ ಅಮಾಯಕರ ಜೀವ ಮತ್ತು ಮನೆಗಳನ್ನು ರಕ್ಷಿಸುವ ಮತ್ತು ಉಳಿಸುವ ತಮ್ಮ ಪ್ರಾಣವನ್ನು ಕಳೆದುಕೊಂಡಿದ್ದಾರೆ. ಅವರ ಸಾವು ರಾಜಕೀಯಗೊಳಿಸಬಾರದು . ನನಗೆ ನ್ಯಾಯ ಬೇಕು, ನನ್ನ ಕುಟುಂಬಕ್ಕೆ ನ್ಯಾಯ ಬೇಕು!" ಎಂದು ಪೋಸ್ಟ್ ಮೂಲಕ ತನ್ನ ದುಃಖವನ್ನು ವ್ಯಕ್ತಪಡಿಸಿದ್ದಾರೆ.

  ಅಕ್ಟೋಬರ್ 13 ರ ದಸರಾದಂದು ರಾತ್ರಿ 9.30 ರ ಸುಮಾರಿಗೆ ಜೀಶಾನ್ ಅವರ ಬಾಂದ್ರಾ ಈಸ್ಟ್ ಕಚೇರಿಯ ಹೊರಗೆ 66 ವರ್ಷದ ಬಾಬಾ ಸಿದ್ದಿಕ್ ಅವರನ್ನು ಮೂವರು ವ್ಯಕ್ತಿಗಳು ಗುಂಡಿಕ್ಕಿ ಕೊಂದರು. ಸಿದ್ದಿಕ್ ಅವರನ್ನು ಲೀಲಾವತಿ ಆಸ್ಪತ್ರೆಗೆ ಸಾಗಿಸಲಾಯಿತು, ಚಿಕಿತ್ಸೆ ಫಲಕಾರಿಯಾಗದೆ ಅವರು ಮೃತಪಟ್ಟರು.