ಲಂಡನ್ನ ಕೇಂಬ್ರಿಡ್ಜ್ ನಲ್ಲಿ ಎಂಫಿಲ್ ಓದುತ್ತಾ UPSC ಪಾಸ್ ಮಾಡಿದ ಪ್ರಣಿತಾ ದಾಸ್

•   Sun, Nov 17 2024 08:17:24 AM



• ಒಡಿಶಾ, ನ.17(DaijiworldNews/AK): ಒಂದು ಸಣ್ಣ ಪಟ್ಟಣದಲ್ಲಿ ಬೆಳೆದು ಲಂಡನ್ ನಲ್ಲಿ ಓದಿರುವ ಪ್ರಣಿತಾ ದಾಶ್ ಅವರು ಐಎಎಸ್ ಆಗಲು ತಮ್ಮ ವಿದೇಶಿ ವೃತ್ತಿಜೀವನವನ್ನು ತೊರೆದರು. 2023 ರ ಬ್ಯಾಚ್ ನ IAS ಆಧಿಕಾರಿಯಾದ ಪ್ರಣಿತಾ ದಾಸ್ ಅವರ ಯಶಸ್ಸಿನ ಪಯಣ ಇಲ್ಲಿದೆ.

  

  ಐಎಎಸ್ ಅಧಿಕಾರಿ ಪ್ರಣಿತಾ ದಾಸ್ ಒಡಿಶಾದ ಮಯೂರ್ ಭಂಜ್ ಜಿಲ್ಲೆಯ ಬರಿಪಾಡಾ ಎಂಬ ಸಣ್ಣ ಪಟ್ಟಣದ ನಿವಾಸಿ. ಐದನೇ ತರಗತಿವರೆಗೆ ಬರಿಪದದಲ್ಲಿ ಓದಿದ್ದಾರೆ. ನಂತರ ಭುವನೇಶ್ವರಕ್ಕೆ ಹೋಗಿ 12ನೇ ತರಗತಿವರೆಗೆ ಓದಿದ್ದಾರೆ. ಪ್ರಣಿತಾ ನಂತರ ಕೋಲ್ಕತ್ತಾದ ಸೇಂಟ್ ಕ್ಸೇವಿಯರ್ ಕಾಲೇಜಿನಲ್ಲಿ ಅರ್ಥಶಾಸ್ತ್ರದಲ್ಲಿ ಪದವಿ ಪಡೆದರು.

  ಕೋಲ್ಕತ್ತಾದಿಂದ ಪದವಿ ಪಡೆದ ನಂತರ, ಪ್ರಣಿತಾ ಅರ್ಥಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಮಾಡಲು ಲಂಡನ್ ಗೆ ಹೋದರು. ಅಲ್ಲಿ ಲಂಡನ್ ವಿಶ್ವವಿದ್ಯಾನಿಲಯದಲ್ಲಿ ಪ್ರವೇಶ ಪಡೆದರು, ವಿದ್ಯಾರ್ಥಿವೇತನವನ್ನೂ ಪಡೆದರು. ಅವರು ತಮ್ಮ ಸ್ನಾತಕೋತ್ತರ ಅವಧಿಯಲ್ಲಿ UPSC ಪರೀಕ್ಷೆಯನ್ನು ನೀಡಲು ಪ್ರಾರಂಭಿಸಿದರು. 

  ತನ್ನ ಸ್ನಾತಕೋತ್ತರ ನಂತರ, ಪ್ರಣಿತಾ ಡ್ಯಾಶ್ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಿಂದ ಎಂಫಿಲ್ ಮಾಡಿದರು. ಇದರೊಂದಿಗೆ UPSC ಗೂ ತಯಾರಿ ನಡೆಸಿದರು. ಪ್ರಣಿತಾ 2020 ರಲ್ಲಿ ಮೊದಲ ಬಾರಿಗೆ UPSC ಪರೀಕ್ಷೆಯನ್ನು ನೀಡಿದರು. ಇದರ ನಂತರ ಎರಡನೇ ಪ್ರಯತ್ನವನ್ನು 2021 ರಲ್ಲಿ ನೀಡಿದರು. ಅವರ ಎರಡೂ ಪ್ರಯತ್ನಗಳಲ್ಲಿ ಯಶಸ್ವಿಯಾಗಲಿಲ್ಲ. ಎರಡನೇ ಬಾರಿ ಪ್ರಿಲಿಮ್ಸ್ ಕೇವಲ ಎರಡು ಅಂಕಗಳಿಂದ ತೇರ್ಗಡೆಯಾಗಲಿಲ್ಲ.

  ಪ್ರಣಿತಾ ಮೂರನೇ ಪ್ರಯತ್ನದಲ್ಲಿ ಯಶಸ್ಸು ಪಡೆದರು. ಅವರು 2022 ರಲ್ಲಿ ಮತ್ತೊಮ್ಮೆ ಯುಪಿಎಸ್ಸಿ ಪರೀಕ್ಷೆಯನ್ನು ನೀಡಿದರು. UPSC ಪರೀಕ್ಷೆಯಲ್ಲಿ 42 ನೇ ಅಖಿಲ ಭಾರತ ರ್‍ಯಾಂಕ್‌ ನಲ್ಲಿ ತೇರ್ಗಡೆಯಾದರು. ಆ ಮೂಲಕ IAS ಆಗುವ ಅವರ ಕನಸು ನನಸಾಯಿತು.