ಬೆಂಗಳೂರು: ಸುಮಲತಾರಿಂದ ಜೆಡಿಎಸ್ ಕಲಿಯುವುದು ಸಾಕಷ್ಟಿದೆ-ಡಿವಿಎಸ್

•   Sun, Jun 09 2019 08:22:54 PM



• ಬೆಂಗಳೂರು, ಜೂ 09 (Daijiworld News/SM): ಮಂಡ್ಯದಲ್ಲಿ ಸಿಎಂ ಕುಮಾರಸ್ವಾಮಿ ಪುತ್ರ ನಿಖಿಲ್ ಕುಮಾರಸ್ವಾಮಿ ವಿರುದ್ಧ ಅಭೂತ ಪೂರ್ವ ಗೆಲುವು ದಾಖಲಿಸಿದ್ದ ಸುಮಲತಾ ಪರವಾಗಿ ಸಂಸದ ಡಿ.ವಿ. ಸದಾನಂದ ಗೌಡ ಬ್ಯಾಟ್ ಬೀಸಿದ್ದಾರೆ. ಸುಮಲತಾ ಪ್ರಭುದ್ದತೆಯನ್ನು ಕಂಡು ಜೆಡಿಎಸ್ ಪಕ್ಷದವರು ಕಲಿಯುವುದು ಸಾಕಷ್ಟಿದೆ ಎಂದು ಹೇಳಿದ್ದಾರೆ.

  

  ಬೆಂಗಳೂರಿನಲ್ಲಿ ಮಾತನಾಡಿದ ಅವರು, 'ಯಾವ ಪಕ್ಷಕ್ಕೂ ಸೇರಿ ಯಾರ ಬಳಿಯೂ ಭಿಕ್ಷೆ ಬೇಡಲ್ಲ ಎಂದು ಸುಮಲತಾ ಹೇಳಿದ್ದಾರೆ. ಇದು ಜೆಡಿಎಸ್ ನವರಿಗೆ ಪಾಠ ಕಲಿಸುತ್ತದೆ. ಅವರನ್ನು ಕಂಡು ಜೆಡಿಎಸ್ ನವರು ಕಲಿಯಬೇಕಿದೆ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

  ಆದರೆ, 'ಜೆಡಿಎಸ್‌ ಮಾತ್ರ ಈ ಜನ್ಮ ಪೂರ್ತಿ ಸುಮಲತಾರಿಂದ ಕಲಿಯಲು ಅಸಾಧ್ಯ. ಆದರೂ, ಒಂದಿಷ್ಟು ವಿಚಾರಗಳನ್ನು ಅವರು ಕಲಿಯಬೇಕಿದೆ ಎಂದಿದ್ದಾರೆ. ನಿನ್ನೆ ಮೊನ್ನೆ ರಾಜಕಾರಣಕ್ಕೆ ಬಂದಿರುವ ನಿಖಿಲ್ ಅವರು ಇಷ್ಟು ದೊಡ್ಡ ರಾಜಕಾರಣಿ ಹೇಗಾದರು ಎಂಬುವುದು ನನಗೆ ಆಶ್ಚರ್ಯವಾಗುತ್ತದೆ ಎಂದರು. ಸಿನಿಮಾದಲ್ಲಿ ರಾಜಕಾರಣ ಮಾಡಿರಬಹುದು. ಆದರೆ, ರಾಜಕಾರಣವನ್ನು ಸಿನಿಮಾ ರೀತಿ ಮಾಡಲು ಸಾಧ್ಯವಿಲ್ಲ' ಎಂದು ಕಿವಿಮಾತನ್ನು ನೀಡಿದ್ದಾರೆ.