ಮಾತೃ ಭಾಷೆಯಲ್ಲೇ ಪರೀಕ್ಷೆ ಬರೆದು 3 ಸಲ UPSC ಪಾಸ್ ಆದ ಹಳ್ಳಿ ಯುವಕ ರವಿಕುಮಾರ್ ಸಿಹಾಗ್

•   Tue, Jan 21 2025 08:42:01 AM



• ರಾಜಸ್ಥಾನ ಜ.20 (DaijiworldNews/AK): ಮಾತೃ ಭಾಷೆಯಲ್ಲಿ, ಹಳ್ಳಿಯಲ್ಲಿ ಓದಿದ ಯುವಕ ದೊಡ್ಡ ಹುದ್ದೆಗೇರಿದ್ದ ರವಿಕುಮಾರ್ ಸಿಹಾಗ್ ಅವರ ಯಶಸ್ಸಿನ ಹಾದಿಯ ಬಗ್ಗೆ ತಿಳಿಯೋಣ.

  ಇಂಗ್ಲಿಷ್ ಮಾಧ್ಯಮದವರಿಗೆ UPSC ತೇರ್ಗಡೆಯಾಗುವುದು ಸುಲಭ ಎಂದು ಹೆಚ್ಚಿನ ಅಭ್ಯರ್ಥಿಗಳು ಭಾವಿಸುತ್ತಾರೆ. ಆದರೆ ರವಿ ಸಿಹಾಗ್ ಅವರು ಮಾತೃ ಭಾಷೆಯಲ್ಲಿ ಮೂರು ಬಾರಿ UPSC ಪರೀಕ್ಷೆಯಲ್ಲಿ ಉತ್ತೀರ್ಣರಾದರು.

  IAS ರವಿ ಕುಮಾರ್ ಸಿಹಾಗ್ ಅವರು 1995ರ ನವೆಂಬರ್ 2ರಂದು ರಾಜಸ್ಥಾನದ ಶ್ರೀಗಂಗಾ ನಗರ ಜಿಲ್ಲೆಯಲ್ಲಿ ಜನಿಸಿದರು. ಅವರ ತಂದೆ ರಾಮಕುಮಾರ್ ಸಿಹಾಗ್ ಕೃಷಿಕರು ಮತ್ತು ತಾಯಿ ಗೃಹಿಣಿ. ರವಿ ಸಿಹಾಗ್ ಪದವಿಯವರೆಗೂ ಓದುವುದರ ಜೊತೆಗೆ ತಂದೆಗೆ ಕೃಷಿಯಲ್ಲಿ ಸಹಾಯ ಮಾಡುತ್ತಿದ್ದರು.

  ರವಿಕುಮಾರ್ ಸಿಹಾಗ್ ಅವರು ತಮ್ಮ ಸ್ವಗ್ರಾಮದಲ್ಲೇ ಶಾಲಾ ಶಿಕ್ಷಣ ಪೂರೈಸಿದ್ದಾರೆ. ನಂತರ, ಅವರು ಅನುಪಗಢದ ಶಾರದಾ ಶಾಲೆಯಲ್ಲಿ 11 ನೇ ಮತ್ತು ವಿಜಯನಗರದ ಹಿರಿಯ ಮಾಧ್ಯಮಿಕ ಶಾಲೆಯಲ್ಲಿ 12 ನೇ ತರಗತಿಯವರೆಗೆ ಓದಿದರು. ಅವರು ಅನುಪಗಢದ ಶಾರದಾ ಕಾಲೇಜಿನಲ್ಲಿ ಬಿಎ ಮಾಡಿದ್ದಾರೆ.

  ಐಎಎಸ್ ರವಿ ಸಿಹಾಗ್ ಅವರು ಯುಪಿಎಸ್ ಸಿ ಸಿವಿಲ್ ಸರ್ವೀಸಸ್ ಪರೀಕ್ಷೆಯನ್ನು ಒಟ್ಟು 4 ಬಾರಿ ನೀಡಿದ್ದಾರೆ. ಅದರಲ್ಲಿ 3 ಬಾರಿ ಯಶಸ್ವಿಯಾಗಿದ್ದಾರೆ. ಮೊದಲನೆಯದಾಗಿ, 2018 ರಲ್ಲಿ, ಅವರು 331 ನೇ ಶ್ರೇಣಿಯನ್ನು ಪಡೆದರು. ಆಗ ಅವರಿಗೆ ಭಾರತೀಯ ರಕ್ಷಣಾ ಖಾತೆಗಳ ಸೇವಾ ಕೇಡರ್ ಅನ್ನು ನೀಡಲಾಯಿತು.
  ಇದರ ನಂತರ, 2019 ರಲ್ಲಿ, ಅವರು 317 ನೇ ಶ್ರೇಯಾಂಕವನ್ನು ಪಡೆದರು, ಆಗ ಐಆರ್ಟಿಎಸ್ ಕೇಡರ್ ಪಡೆದರು. ರವಿ ಸಿಹಾಗ್ ಅವರು 2020 ರಲ್ಲಿ ಮೂರನೇ ಬಾರಿಗೆ ನಾಗರಿಕ ಸೇವೆಗಳ ಪರೀಕ್ಷೆಯನ್ನು ನೀಡಿದರು.

  ನಂತರ ಅವರು 2021 ರಲ್ಲಿ ನಾಲ್ಕನೇ ಬಾರಿಗೆ UPSC ಪರೀಕ್ಷೆಯನ್ನು ನೀಡಿದರು. ಈ ಬಾರಿ 18ನೇ ರ್ಯಾಂಕ್ ಪಡೆದು ಐಎಎಸ್ ಆದರು. ರವಿ ಸಿಹಾಗ್ 2021 ರಲ್ಲಿ ಹಿಂದಿ ಮಾಧ್ಯಮದಲ್ಲಿ UPAC ನಲ್ಲಿ ಅಗ್ರಸ್ಥಾನ ಪಡೆದರು.