ವಿದ್ಯುತ್‌ ಕಂಬಕ್ಕೆ ಢಿಕ್ಕಿ ಹೊಡೆದ ಕಾರು - ರಕ್ಷಣೆಗೆ ಹೋದ ಮೂವರು ವಿದ್ಯುತ್‌ ಪ್ರವಹಿಸಿ ಸಾವು

•   Thu, Jun 13 2019 10:31:55 AM



• ಮಂಡ್ಯ,ಜೂ 13(Daijiworld News/MSP): ಕಾರೊಂದು ವಿದ್ಯುತ್‌ ಕಂಬಕ್ಕೆ ಢಿಕ್ಕಿ ಹೊಡೆದು ಅಪಘಾತ ಸಂಭವಿಸಿದ್ದು, ಈ ವೇಳೆ ರಕ್ಷಣೆಗೆಂದು ಧಾವಿಸಿ ಬಂದ ಮೂವರ ಮೇಲೆ ವಿದ್ಯುತ್‌ ಪ್ರವಹಿಸಿ ಬಲಿಯಾದ ಘಟನೆ ಮದ್ದೂರಿನ ಮಣಿಗೆರೆ ಬಳಿ ಜೂನ್.೧೨ ರ ಬುಧವಾರ ರಾತ್ರಿ ನಡೆದಿದೆ. ಘಟನೆಯಲ್ಲಿ ಮೃತಪಟ್ಟವರನ್ನು ಮಣಿಗೆರೆ ಗ್ರಾಮದ ದೇವರಾಜ್‌(31) ಬಿದರಹೊಸಳ್ಳಿಯ ಪ್ರಸನ್ನ (45) ಮತ್ತು ಪ್ರದೀಪ್‌ (25) ಎಂದು ಗುರುತಿಸಲಾಗಿದೆ. 

  

  
  ಕಾರು ಡಿಕ್ಕಿ ಹೊಡೆದ ಪರಿಣಾಮ ಕಾರಿನಲ್ಲಿದ್ದ ಪ್ರಯಾಣಿಕ ಗಾಯಾಳುಗಳ ಕೂಗಾಟ ಕೇಳಿ ರಕ್ಷಣೆಗೆ ಧಾವಿಸಿದ್ದಾರೆ, ಆದರೆ ಈ ಸಂದರ್ಭ ಕತ್ತಲ್ಲು ಇದ್ದದ್ದರಿಂದ ತುಂಡಾಗಿ ಬಿದ್ದಿದ್ದ ವಿದ್ಯುತ್‌ ತಂತಿ ತುಳಿದು ರಕ್ಷಣೆಗೆ ಬಂಧವರು ಸ್ಥಳದಲ್ಲೆ ದಾರುಣವಾಗಿ ಸಾವನ್ನಪ್ಪಿದ್ದಾರೆ.

  ಘಟನೆ ನಡೆದ ಬಳಿಕ ಸೆಸ್ಕಾಂಗೆ ವಿಚಾರ ತಿಳಿಸಿ ವಿದ್ಯುತ್‌ ಸರಬರಾಜು ಸ್ಥಗಿತ ಗೊಳಿಸಿ ಕಾರಿನಲ್ಲಿದ್ದ ಗಾಯಾಳುಗಳನ್ನು ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪೊಲೀಸರು ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದಾರೆ.