2 ಸಾವಿರಕ್ಕೂ ಮಿಕ್ಕಿ ರೈತರ ಸಾಲ ತೀರಿಸಿ ಹೃದಯ ವೈಶಾಲ್ಯತೆ ತೋರಿದ ನಟ ಅಮಿತಾಬಚ್ಚನ್

•   Thu, Jun 13 2019 11:17:48 AM



• ನವದೆಹಲಿ, ಜೂ13(Daijiworld News/SS): ಬಾಲಿವುಡ್ ಸ್ಟಾರ್ ಅಮಿತಾಬಚ್ಚನ್ ಬಿಹಾರದ 2 ಸಾವಿರಕ್ಕೂ ಮಿಕ್ಕಿ ರೈತರ ಬ್ಯಾಂಕ್ ಸಾಲವನ್ನು ತೀರಿಸುವ ಮೂಲಕ ಮಾದರಿಯಾಗಿದ್ದಾರೆ.

  

  ತಮ್ಮ ಬ್ಲಾಗ್'ನಲ್ಲಿ ಈ ಕುರಿತು ಬರೆದುಕೊಂಡಿರುವ ಅಮಿತಾಬಚ್ಚನ್, ಈ ಹಿಂದೆ ರೈತರಿಗೆ ಭರವಸೆಯನ್ನು ಕೊಟ್ಟಿದ್ದೆವು. ಅದರಂತೆ ನಡೆದುಕೊಂಡಿದ್ದೇವೆ. ಬಿಹಾರದ 2 ಸಾವಿರ ರೈತರ ಸಾಲವನ್ನು ಮನ್ನಾ ಮಾಡಿದ್ದೇವೆ. ಒಂದೇ ಬಾರಿಗೆ ಎಲ್ಲಾ ಕಂತಿನ ಸಾಲದ ಮೊತ್ತವನ್ನು ಪಾವತಿಸಿದ್ದೇವೆ. ಕೆಲವರಿಗೆ ವೈಯಕ್ತಿಕವಾಗಿ ಕೊಟ್ಟಿದ್ದೇವೆ ಎಂದು ಹೇಳಿದ್ದಾರೆ.

  ಈ ಹಿಂದೆಯೂ ಕೂಡಾ ಅಮಿತಾಬಚ್ಚನ್ ಉತ್ತರ ಪ್ರದೇಶದ ಸಾವಿರಾರು ರೈತರ ಸಾಲವನ್ನು ಮನ್ನಾ ಮಾಡಿದ್ದರು.

  ಮಾತ್ರವಲ್ಲ, ಪುಲ್ವಾಮಾ ದಾಳಿಯಲ್ಲಿ ಹುತಾತ್ಮರಾದ ಸೈನಿಕರ ಕುಟುಂಬಕ್ಕೆ ಸಹ ನೆರವು ನೀಡುವುದಾಗಿ ಅಮಿತಾಬ್ ಬಚ್ಚನ್ ಹೇಳಿದ್ದಾರೆ.