ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ ಇಂದು ಮತ್ತೆ ಇಳಿಕೆ

•   Fri, Jun 14 2019 10:56:25 AM



• ನವದೆಹಲಿ, ಜೂ14(Daijiworld News/SS): ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲದ ಬೆಲೆಯಲ್ಲಿ ನಿರಂತರ ಇಳಿಕೆ ಕಾಣುತ್ತಿರುವ ಬೆನ್ನಲ್ಲೇ ದೇಶದ ಪ್ರಮುಖ ನಗರಗಳಲ್ಲಿ ಶುಕ್ರವಾರವೂ ಕೂಡ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ ಇಳಿಕೆಯಾಗಿದೆ.

  

  ನವದೆಹಲಿಯಲ್ಲಿ ಲೀ. ಪೆಟ್ರೋಲ್‌ಗೆ 17 ಪೈಸೆ ಕಡಿಮೆಯಾಗುವ ಮೂಲಕ 70.18 ರೂ.ಗೆ ಮಾರಾಟವಾಗುತ್ತಿದ್ದರೆ, ಡೀಸೆಲ್‌ ಲೀ.ಗೆ 16 ಪೈಸೆ ಇಳಿಕೆ ಕಂಡು 64.17 ರೂ.ಗಳಷ್ಟಿದೆ.

  ಮುಂಬೈನಲ್ಲಿ ಕೂಡ ಬೆಲೆ ಇಳಿಕೆಯಾಗಿದ್ದು, ಪೆಟ್ರೋಲ್‌ ಲೀ.ಗೆ 16 ಪೈಸೆ ಕಡಿಮೆಯಾಗಿ 75.88 ರೂ.ಗೆ ಮಾರಾಟವಾಗುತ್ತಿದೆ. ಇತ್ತ ಡೀಸೆಲ್‌ ಬೆಲೆಯಲ್ಲಿ 17 ಪೈಸೆ ಕಡಿಮೆಯಾಗಿ 67.28 ರೂ.ಗಳಷ್ಟಿದೆ.

  ಬೆಂಗಳೂರಿನಲ್ಲಿ ಪೆಟ್ರೋಲ್‌ ಲೀಟರ್‌ಗೆ 17 ಪೈಸೆ ಕಡಿಮೆಯಾಗಿ 72.55 ರೂ.ರಷ್ಟಿದೆ. ಇನ್ನು ಡೀಸೆಲ್‌ ಬೆಲೆಯಲ್ಲೂ ಇಳಿಕೆಯಾಗಿದ್ದು, ಲೀಟರ್‌ ಡೀಸೆಲ್‌ಗೆ 66.33 ರೂ.ಗಳಷ್ಟಿದ್ದು, 17 ಪೈಸೆ ಕಡಿಮೆಯಾಗಿದೆ.