'ಸುನೀತಾ ವಿಲಿಯಮ್ಸ್ ಎಂದರೆ ಧೈರ್ಯದ ವ್ಯಕ್ತಿತ್ವ' - ಉದ್ಯಮಿ ಆನಂದ್ ಮಹೀಂದ್ರಾ

•   Wed, Mar 19 2025 06:29:04 PM



• ನವದೆಹಲಿ, ಮಾ.19(DaijiworldNews/TA) : ಅಂತರರಾಷ್ಟ್ರೀಯ ಬಾಹ್ಯಾಕಾಶದ (ಐಎಸ್‌ಎಸ್) ದೀರ್ಘಾವಧಿಯ ವಾಸ್ತವ್ಯದಿಂದ ಸುರಕ್ಷಿತವಾಗಿ ಹಿಂದಿರುಗಿದ ಗಗನಯಾತ್ರಿ ಸುನೀತಾ ವಿಲಿಯಮ್ಸ್ ಅವರನ್ನು ಉದ್ಯಮಿ ಆನಂದ್ ಮಹೀಂದ್ರಾ ಅವರು ಭೂಮಿಗೆ ಸ್ವಾಗತಿಸಿದರು.

  

  ಮಹೀಂದ್ರಾ ಗ್ರೂಪ್ ಅಧ್ಯಕ್ಷರು ಸುಮಾರು ಎರಡು ವರ್ಷಗಳ ಹಿಂದೆ ಶ್ರೀಮತಿ ವಿಲಿಯಮ್ಸ್ ಅವರೊಂದಿಗೆ ಆಕಸ್ಮಿಕವಾಗಿ ಭೇಟಿಯಾದ ಹಳೆಯ ಚಿತ್ರವನ್ನು ಹಂಚಿಕೊಂಡು ಅವರನ್ನು "ಧೈರ್ಯದ ವ್ಯಕ್ತಿತ್ವ" ಎಂದು ಬಣ್ಣಿಸಿದರು.

  "ಸ್ಪೇಸ್‌ಎಕ್ಸ್ ರಕ್ಷಣಾ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದಾಗ, ಸುಮಾರು ಎರಡು ವರ್ಷಗಳ ಹಿಂದೆ ವಾಷಿಂಗ್ಟನ್‌ನಲ್ಲಿ ಸುನೀತಾ ವಿಲಿಯಮ್ಸ್ ಅವರೊಂದಿಗಿನ ಈ ಆಕಸ್ಮಿಕ ಭೇಟಿಯನ್ನು ನಾನು ನೆನಪಿಸಿಕೊಂಡೆ. ಕೆಲವು ಗಂಟೆಗಳ ಹಿಂದೆ ಅವರು ಮತ್ತು ಅವರ ಸಹೋದ್ಯೋಗಿಗಳು ಭೂಮಿಗೆ ಯಶಸ್ವಿಯಾಗಿ ಮತ್ತೆ ಪಾದಾರ್ಪಣೆಯಾಗಿದ್ದು ನೋಡುವುದು ಅಪಾರ ಸಮಾಧಾನ ತಂದಿತು. ಅವರು ಧೈರ್ಯದ ವ್ಯಕ್ತಿತ್ವ ಮತ್ತು ಅವರು ನಮ್ಮ ನಡುವೆ ಇರುವುದು ಒಳ್ಳೆಯದು. ಸ್ವಾಗತಂ, ಸುನೀತಾ." ಎಂದು ಪೋಸ್ಟ್‌ ಮಾಡಿದ್ದಾರೆ.

  ಬುಧವಾರ, ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಕೂಡ ಶ್ರೀಮತಿ ವಿಲಿಯಮ್ಸ್ ಅವರನ್ನು ಭೂಮಿಗೆ ಸ್ವಾಗತಿಸಿತು. "ಸುನೀತಾ ವಿಲಿಯಮ್ಸ್, ಮತ್ತೆ ಸ್ವಾಗತ!, ISS ನಲ್ಲಿ ವಿಸ್ತೃತ ಕಾರ್ಯಾಚರಣೆಯ ನಂತರ ನಿಮ್ಮ ಸುರಕ್ಷಿತ ಮರಳುವಿಕೆ ಗಮನಾರ್ಹ ಸಾಧನೆಯಾಗಿದೆ" ಎಂದು ಬಾಹ್ಯಾಕಾಶ ಸಂಸ್ಥೆ ಎಕ್ಸ್‌ ಖಾತೆಯ ಪೋಸ್ಟ್‌ನಲ್ಲಿ ತಿಳಿಸಿದೆ.

  When the SpaceX recue mission was launched, I recalled this chance encounter almost two years ago with @Astro_Suni in Washington.
  
  It was an enormous relief to see her and her colleagues’ successful splashdown back on earth a few hours ago.
  
  She is courage personified and… https://t.co/E64p9YX5t3

  — anand mahindra (@anandmahindra) March 19, 2025