ಹಿರಿಯ ರಂಗಕರ್ಮಿ ಡಿ.ಕೆ ಚೌಟ ವಿಧಿವಶ

•   Wed, Jun 19 2019 01:00:41 PM



• ಬೆಂಗಳೂರು, ಜೂ19(Daijiworld News/SS): ಹಿರಿಯ ರಂಗಕರ್ಮಿ, ‘ರಂಗ ನಿರಂತರ’ದ ಕಾರ್ಯಾಧ್ಯಕ್ಷರಾಗಿದ್ದ ಡಿ.ಕೆ.ಚೌಟ (82) ವಿಧಿವಶರಾಗಿದ್ದಾರೆ.

  

  ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರನ್ನು ಜಯದೇವ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಡಿ.ಕೆ. ಚೌಟ ಅವರ ನಿಧನದಿಂದ ರಂಗಭೂಮಿಗೆ ತುಂಬಲಾರದ ನಷ್ಟವಾಗಿದೆ. ಮಕ್ಕಳಾದ ಪ್ರಜ್ಞಾ ಚೌಟ, ಹಾಗೂ ಬಾಲಿವುಡ್ ಸಂಗೀತ ನಿರ್ದೇಶಕರಾದ ಸಂದೀಪ್ ಚೌಟ ಸೇರಿದಂತೆ ಅಪಾರ ಬಂಧುಗಳು, ಅಭಿಮಾನಿಗಳನ್ನು ಅಗಲಿದ್ದಾರೆ.

  ಡಿ.ಕೆ.ಚೌಟ ಅವರಿಗೆ ಚಿತ್ರಕಲೆ ಮತ್ತು‌ ರಂಗಭೂಮಿಯಲ್ಲಿ‌ ಅಪಾರ ಆಸಕ್ತಿ ಇತ್ತು. ಆನಂದ ಕೃಷ್ಣ ಎಂಬ ಕಾವ್ಯನಾಮದಲ್ಲಿ ಕೃತಿಗಳನ್ನು ರಚಿಸಿದ್ದ ಡಿ.ಕೆ. ಚೌಟ ತುಳು ಸಾಹಿತ್ಯ ಆಕಾಡೆಮಿಯಿಂದ ಪ್ರಶಸ್ತಿಯನ್ನು ಪಡೆದಿದ್ದರು. ಮೂಲತಃ ಕಾಸರಗೋಡಿನ ಮಂಜೇಶ್ವರ ಸಮೀಪದ ಮೀಯಪದವಿನವರಾದ ಡಿ.ಕೆ ಚೌಟರು ಬೆಂಗಳೂರಿನ ಚಿತ್ರಕಲಾ ಪರಿಷತ್ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು. 

  ಮಂಗಳೂರು ವಿಶ್ವವಿದ್ಯಾಲಯದ ಗೌರವ ಡಾಕ್ಟರೇಟ್‌ ಸೇರಿದಂತೆ ಹಲವು ಸಮ್ಮಾನ-ಗೌರವಗಳು ಅವರಿಗೆ ಸಂದಿವೆ.