6.5 ಲಕ್ಷಕ್ಕೆ ಎಕೆ-47 ರೈಫಲ್ ಖರೀದಿಸಿದ್ದ ದೆಹಲಿ ಸ್ಫೋಟ ಕೇಸ್‌ನ ಪ್ರಮುಖ ಆರೋಪಿ ಮುಜಾಮ್ಮಿಲ್

•   Sat, Nov 22 2025 12:50:49 PM



• ನವದೆಹಲಿ, ನ. 22 (DaijiworldNews/AA): ಕೆಂಪು ಕೋಟೆ ಬಳಿ ಕಾರು ಸ್ಫೋಟ ಪ್ರಕರಣದ ಪ್ರಮುಖ ಆರೋಪಿ ಮುಜಾಮ್ಮಿಲ್ 6.5 ಲಕ್ಷ ರೂ.ಗೆ ಎಕೆ-47 ರೈಫಲ್ ಖರೀದಿಸಿದ್ದ ಎಂಬ ಸ್ಫೋಟಕ ಮಾಹಿತಿ ಬಯಲಾಗಿದೆ.

  ಮುಜಾಮ್ಮಿಲ್ ಖರೀದಿಸಿದ್ದ ರೈಫಲ್‌ನ್ನು ಮತ್ತೊಬ್ಬ ಆರೋಪಿ ಲಾಕರ್‌ನಿಂದ ವಶಪಡಿಸಿಕೊಳ್ಳಲಾಗಿದೆ. ಹಲವಾರು ಸ್ಥಳಗಳಲ್ಲಿ ಸ್ಫೋಟಕ ಪ್ಲಾಟ್ ಕೂಡ ಪತ್ತೆಯಾಗಿವೆ. ಮುಜಮ್ಮಿಲ್‌ನನ್ನು ಮನ್ಸೂರ್ ನಿರ್ವಹಿಸುತ್ತಿದ್ದನು. ಉಮರ್ ಹಾಶಿಮ್‌ಗೆ ವರದಿ ಮಾಡುತ್ತಿದ್ದನು. ಇಬ್ಬರೂ ನಿರ್ವಾಹಕರು ಪ್ರದೇಶಗಳಲ್ಲಿ ಚಟುವಟಿಕೆಗಳನ್ನು ಸಂಘಟಿಸುತ್ತಿದ್ದ ಇಬ್ರಾಹಿಂ ಎಂಬ ಉನ್ನತ ಕಾರ್ಯಕರ್ತನ ಅಡಿಯಲ್ಲಿ ಕೆಲಸ ಮಾಡುತ್ತಿದ್ದರು ಎಂದು ಹೇಳಲಾಗಿದೆ.

  2022 ರಲ್ಲಿ, ಪಾಕಿಸ್ತಾನ ಮೂಲದ ತೆಹ್ರಿಕ್-ಎ-ತಾಲಿಬಾನ್ (ಟಿಟಿಪಿ) ಯೊಂದಿಗೆ ಸಂಬಂಧ ಹೊಂದಿರುವ ಒಕಾಸಾ ಸೂಚನೆಯ ಮೇರೆಗೆ, ಮುಜಮ್ಮಿಲ್, ಆದಿಲ್ ಮತ್ತು ಮುಜಾಫರ್ ಟರ್ಕಿಗೆ ಪ್ರಯಾಣ ಬೆಳೆಸಿದ್ದರು. ಅಫ್ಘಾನಿಸ್ತಾನಕ್ಕೆ ತೆರಳಲು ಅನುಕೂಲವಾಗುವ ಸಂಪರ್ಕ ಸಾಧಿಸಲು ನಿರ್ಧರಿಸಲಾಗಿತ್ತು. ಆದರೆ ಸುಮಾರು ಒಂದು ವಾರದ ನಂತರ ಸಂಪರ್ಕ ನಿರಾಕರಿಸಿದಾಗ ಯೋಜನೆ ವಿಫಲವಾಯಿತು. ಒಕಾಸಾ ಜೊತೆ ಸಂವಹನವನ್ನು ಟೆಲಿಗ್ರಾಮ್ ಐಡಿ ಮೂಲಕ ನಿರ್ವಹಿಸಲಾಗುತ್ತಿತ್ತು ಎಂದು ತನಿಖಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಉಮರ್ ಮತ್ತು ಮುಜಮ್ಮಿಲ್ ನಡುವೆ ವಿಶ್ವವಿದ್ಯಾನಿಲಯದಲ್ಲಿ ಹಣದ ವಿಷಯಕ್ಕೆ ಸಂಬಂಧಿಸಿದಂತೆ ದೊಡ್ಡ ಜಗಳ ನಡೆದಿತ್ತು. ಇದನ್ನು ಹಲವಾರು ವಿದ್ಯಾರ್ಥಿಗಳು ನೋಡಿದ್ದರು. ಘರ್ಷಣೆಯ ನಂತರ, ಉಮರ್ ತನ್ನ ಕೆಂಪು ಇಕೋ ಕಾರನ್ನು ಮುಜಮ್ಮಿಲ್‌ಗೆ ಹಸ್ತಾಂತರಿಸಿದ್ದ. ಅದರಲ್ಲಿ ಸ್ಫೋಟಕ ವಸ್ತುಗಳು ಇದ್ದವು ಎಂದು ತನಿಖಾಧಿಕಾರಿಗಳು ಹೇಳಿದ್ದಾರೆ.