ಪ್ರಯಾಣಿಕರಿಗೆ ಉಚಿತ ಆಹಾರವನ್ನು ನೀಡುವ ಭಾರತದ ಏಕೈಕ ರೈಲು !

•   Wed, Dec 10 2025 12:53:50 PM



• ನವದೆಹಲಿ, ಡಿ. 10 (DaijiworldNews/AK):ವಿಶ್ವದ ಅತಿದೊಡ್ಡ ರೈಲ್ವೆ ಜಾಲಗಳನ್ನು ಹೊಂದಿರುವ ದೇಶಗಳಲ್ಲಿ ಭಾರತದ ರೈಲ್ವೆ ಕೂಡ ಒಂದು. ವಿಶೇಷ ಅಂದರೆ ಭಾರತದಲ್ಲಿ ಒಂದು ರೈಲಿನಲ್ಲಿ ಸಂಪೂರ್ಣವಾಗಿ ಉಚಿತವಾಗಿ ಆಹಾರವನ್ನು ಪೂರೈಸುತ್ತದೆ.  ಹೌದು ಪ್ರಯಾಣಿಕರು ಊಟಕ್ಕೆ ಹಣ ನೀಡಬೇಕಿಲ್ಲ. ಬೆಳಿಗ್ಗಿನ ಉಪಹಾರ, ಮಧ್ಯಾಹ್ನದ ಊಟ ಎಲ್ಲವೂ ಉಚಿತ , ಇದು ಭಾರತೀಯ ರೈಲ್ವೆ ಇತಿಹಾಸದಲ್ಲೇ ಮೊದಲು. ಸುಮಾರು ಮೂರು ದಶಕಗಳಿಂದ ಈ ಸೌಕರ್ಯವನ್ನು ನೀಡುತ್ತ ಬಂದಿರುವ ಈ ರೈಲಿನ ಹೆಸರು ಸಚ್ಖಂಡ್ ಎಕ್ಸ್‌ಪ್ರೆಸ್ (12715).

  
  1995ರಲ್ಲಿ ಸಚ್ಖಂಡ್ ಎಕ್ಸ್‌ಪ್ರೆಸ್‌ನಲ್ಲಿ ಈ ಉಚಿತ ಊಟ ಯೋಜನೆಯನ್ನು ಪ್ರಾರಂಭಿಸಲಾಗಿತ್ತು. ಸಚ್ಖಂಡ್ ಎಕ್ಸ್‌ಪ್ರೆಸ್ ತನ್ನ 2,081 ಕಿಮೀ ಪ್ರಯಾಣದುದ್ದಕ್ಕೂ ಪ್ರಯಾಣಿಕರಿಗೆ ಉಚಿತ ಉಪಹಾರ, ಮಧ್ಯಾಹ್ನ ಮತ್ತು ರಾತ್ರಿ ಊಟವನ್ನು ನೀಡುತ್ತದೆ. ಈ ರೈಲಿನಲ್ಲಿ ಅರಾಮವಾಗಿ ಪ್ರಯಾಣಿಕರು ಊಟ ಮಾಡಬಹುದು. ಪ್ರಯಾಣಿಕರು ಊಟ ಮುಗಿಸುವರೆಗೆ ರೈಲು ಚಲಿಸದೇ ಪ್ರಯಾಣಿಕರಿಗಾಗಿ ಕಾಯುತ್ತದೆ. ಇಲ್ಲಿ ಪ್ರಯಾಣಿಕರೇ ಸ್ವತಃ ಮನೆಯಿಂದ ಪಾತ್ರೆಗಳನ್ನು ತರುತ್ತಾರೆ. ಕಧಿ-ಚಾವಲ್, ದಾಲ್ ಮತ್ತು ಸಬ್ಜಿಯಂತಹ ಸಸ್ಯಾಹಾರಿ ಊಟಗಳನ್ನು ನೀಡಲಾಗುತ್ತದೆ.

  ಸಚ್ಖಂಡ್ ಎಕ್ಸ್‌ಪ್ರೆಸ್ ಅಮೃತಸರ ಮತ್ತು ನಾಂದೇಡ್ ನಡುವೆ ಚಲಿಸುತ್ತದೆ. ಒಟ್ಟು 2,081 ಕಿ.ಮೀ ದೂರವನ್ನು ಕ್ರಮಿಸುತ್ತದೆ. ಜತೆಗೆ ಎರಡು ಪ್ರಮುಖ ಸಿಖ್ ಧಾರ್ಮಿಕ ತಾಣಗಳಾದ ಅಮೃತಸರದ ಶ್ರೀ ಹರ್ಮಂದಿರ್ ಸಾಹಿಬ್ ಮತ್ತು ನಾಂದೇಡ್‌ನ ಶ್ರೀ ಹಜೂರ್ ಸಾಹಿಬ್ ಅನ್ನು ಸಂಪರ್ಕಿಸುತ್ತದೆ. ಸಚ್ಖಂಡ್ ಎಕ್ಸ್‌ಪ್ರೆಸ್ 2,000 ಕಿ.ಮೀ. ಉದ್ದದ ಪ್ರಯಾಣದಲ್ಲಿ 39 ನಿಲ್ದಾಣಗಳಲ್ಲಿ ನಿಲ್ಲುತ್ತದೆ ಮತ್ತು ಈ ಆರು ನಿಲ್ದಾಣಗಳಲ್ಲಿ ಪ್ರಯಾಣಿಕರಿಗೆ ಉಚಿತ ಊಟವನ್ನು ನೀಡಲಾಗುತ್ತದೆ. ಪ್ರತಿದಿನ ಅಂದಾಜು 2,000 ಪ್ರಯಾಣಿಕರಿಗೆ ಊಟ ನೀಡುತ್ತದೆ. ಸುಮಾರು 30 ವರ್ಷಗಳ ಹಿಂದೆ 1995 ರಲ್ಲಿ ಪ್ರಾರಂಭಿಸಲಾಯಿತು ಮತ್ತು ಅಂದಿನಿಂದ ಲಕ್ಷಾಂತರ ಪ್ರಯಾಣಿಕರಿಗೆ ಸೇವೆ ಸಲ್ಲಿಸುತ್ತಿದೆ.