ಕೋಲಾರ: ಟಿಕ್ - ಟಾಕ್ ಗೀಳಿನಿಂದ ಪ್ರಾಣ ಕಳೆದುಕೊಂಡ ಯುವತಿ

•   Sun, Jul 14 2019 11:43:33 AM



• ಕೋಲಾರ,ಜು 14 (Daijiworld News/MSP): ರಾಜ್ಯದಲ್ಲಿ ಟಿಕ್ ಟಾಕ್ ಹುಚ್ಚಿಗೆ ಮತ್ತೊಂದು ಬಲಿಯಾಗಿದೆ. ಕೋಲಾರದ ಸರ್ಕಾರಿ ಮಹಿಳಾ ಕಾಲೇಜಿನ ಅಂತಿಮ ಬಿ.ಎ ವಿದ್ಯಾರ್ಥಿನಿಯೊಬ್ಬರು ಕಾಲು ಜಾರಿ ಕೃಷಿ ಹೊಂಡಕ್ಕೆ ಬಿದ್ದು ಮೃತಪಟ್ಟಿದ್ದಾರೆ.

  

  ಮೃತ ಯುವತಿಯನ್ನು ಕೋಲಾರದ ವಡಗೇರಿ ಗ್ರಾಮದ ನಾರಾಯಣಪ್ಪ ಅವರ ಪುತ್ರಿ ಮಾಲಾಗೌಡ (20) ಎಂದು ಗುರುತಿಸಲಾಗಿದೆ. ಈಕೆ ತಮ್ಮ ತೋಟದ ಪಕ್ಕದ ಕೃಷಿ ಹೊಂಡದ ಬಳಿ ಟಿಕ್ ಟಾಕ್ ವಿಡಿಯೋ ಚಿತ್ರೀಕರಣ ಮಾಡಲು ಹೋಗಿ ಕೃಷಿಹೊಂಡಲ್ಲಿ ಬಿದ್ದು ಉಸಿರುಗಟ್ಟಿ ಸಾವನ್ನಪ್ಪಿದ್ದಾಳೆ.

   ಈಕೆ ಟಿಕ್ - ಟಾಕ್ ವಿಡೀಯೋ ಹವ್ಯಾಸ ಹೊಂದಿದ್ದು, ಇದೇ ಕಾರಣದಿಂದ ಕೃಷಿ ಹೊಂಡದ ಬಳಿ ಹಾಡೊಂದನ್ನ ಹಾಡಿ ವಿಡಿಯೋ ಚಿತ್ರೀಕರಣ ಮಾಡಲು ಹೊಗಿ ಹೊಂಡಕ್ಕೆ ಬಿದ್ದು ಮಾಲಾಗೌಡ ದುರಂತ ಸಾವಿಗೀಡಾಗಿದ್ದಾಳೆ.

  ನಿನ್ನೆ ಮಧ್ಯಾಹ್ನವೇ ಈ ದುರ್ಘಟನೆ ನಡೆದಿದೆ. ಆದರೆ, ಸ್ಥಳದಲ್ಲಿ ಯಾವೊಬ್ಬರೂ ಇಲ್ಲದೆ ಇದ್ದದ್ದರಿಂದ ಸಂಜೆ ಸಾವನ್ನಪ್ಪಿದ ಮಾಹಿತಿ ತಿಳಿದುಬಂದಿದೆ.ಈ ಬಗ್ಗೆ ಕೋಲಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.