6 ರ ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿದ ವಾಚ್ ಮ್ಯಾನ್

•   Tue, Jul 16 2019 12:56:00 PM



• ಮುಂಬೈ, ಜು 16 (Daijiworld News/RD): 6ವರ್ಷದ ಬಾಲಕಿಗೆ ವಾಚ್‌ಮ್ಯಾನ್‌ನೋರ್ವ ಲೈಂಗಿಕ ಕಿರುಕುಳ ನೀಡಿದ್ದು, ಆರೋಪಿಯನ್ನು ಸಾರ್ವಜನಿಕರು ಹಿಗ್ಗಾಮುಗ್ಗಾ ಥಳಿಸಿ, ನಗ್ನವಾಗಿ ಮೆರವಣಿಗೆ ಮಾಡಿದ ಘಟನೆ ಮಹಾರಾಷ್ಟ್ರದ ಪಾಲ್ಘಾರ್ ವಸತಿ ಸಂಕೀರ್ಣವೊಂದರ ಬಳಿ ಭಾನುವಾರ ನಡೆದಿದೆ.

  

  ಶನಿವಾರ ಸಂಜೆ ಸರಿ ಸುಮಾರು ಆರು ಗಂಟೆ ಸಮಯಕ್ಕೆ ಟ್ಯೂಶನ್ ಮುಗಿಸಿ ಮನೆಗೆ ತೆರಳುತ್ತಿದ್ದ ಸಂದರ್ಭದಲ್ಲಿ 22 ವರ್ಷದ ವಾಚ್ ಮ್ಯಾನ್ ಬಾಲಕಿಯನ್ನು ಸ್ಪರ್ಶಿಸಿ ಅಸಭ್ಯವಾಗಿ ವರ್ತಿಸಿ, ಲೈಂಗಿಕ ಕಿರುಕುಳ ನೀಡಿದ್ದಾನೆ ಎನ್ನಲಾಗಿದೆ. ವಾಚ್‌ಮ್ಯಾನ್ ನ ನಡವಳಿಕೆ ಬಹಿರಂಗಗೊಂಡ ತಕ್ಷಣ ಸಂಕೀರ್ಣದ ನಿವಾಸಿಗಳು ರೊಚ್ಚಿಗೆದ್ದು ಆತನನ್ನು ಹಿಗ್ಗಾಮುಗ್ಗಾ ಥಳಿಸಿ, ಆತನನ್ನು ವಿವಸ್ತ್ರಗೊಳಿಸಿ ಮೆರವಣಿಗೆ ಮಾಡಿದ್ದಾರೆ ಎಂದು ವರದಿಯಾಗಿದೆ.

  ಆರೋಪಿಯ ವಿರುದ್ದ ಪೋಕ್ಸೋ ಕಾಯಿದೆಯಡಿ ಪ್ರಕರಣ ದಾಖಲಾಗಿದ್ದು ಪೋಲೀಸರು ಆತನನ್ನು ಬಂಧಿಸಿದ್ದಾರೆ. ತೀವ್ರ ಹಲ್ಲೆಯಿಂದ ಗಾಯಗಳಾಗಿರುವ ಆರೋಪಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹಲ್ಲೆ ಕುರಿತು ಯಾವುದೇ ಪ್ರಕರಣ ದಾಖಲಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.