ಮುಂಬೈನ ಎಮ್​ಟಿಎನ್​ಎಲ್ ಕಟ್ಟಡದಲ್ಲಿ ಅಗ್ನಿ ಅವಘಡ - ಭರದಿಂದ ಕಾರ್ಯಾಚರಣೆ

•   Mon, Jul 22 2019 05:05:01 PM



• ಮುಂಬೈ, ಜು 22 (Daijiworld News/MSP): ಮುಂಬೈನ ಬಾಂದ್ರಾದಲ್ಲಿರುವ ಬಹುಮಹಡಿ ಕಟ್ಟಡ ಮಹಾನಗರ ಟೆಲಿಪೋನ್ ನಿಗಮ ನಿಯಮಿತ ( ಎಮ್​ಟಿಎನ್​ಎಲ್ ) ಅಗ್ನಿ ಅವಘಡ ಸಂಭವಿಸಿದ್ದು 100 ಕ್ಕೂ ಹೆಚ್ಚು ಮಂದಿ ಕಟ್ಟಡದೊಳಗೆ ಸಿಲುಕಿದ್ದಾರೆ ಎಂದು ವರದಿಯಾಗಿದೆ.

  
  

  ಘಟನೆ ನಡೆದ ಮಾಹಿತಿ ದೊರಕುತ್ತಿದ್ದಂತೆ ಸುಮಾರು 14ಕ್ಕೂ ಹೆಚ್ಚು ಅಗ್ನಿಶಾಮಕ ವಾಹನಗಳು ಮತ್ತು ನೂರಾರು ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ಆರಂಭಿಸಿದ್ದಾರೆ. ಬೆಂಕಿ ನಂದಿಸುವ ಕಟ್ಟಡದ ಒಳಗೆ ಸಿಲುಕಿರುವ ಜನರನ್ನು ರಕ್ಷಿಸುವ ಕಾರ್ಯ ಭರದಿಂದ ಸಾಗಿದೆ.

  ಈ ಕಟ್ಟಡದಲ್ಲಿ ಒಟ್ಟೂ 9 ಮಹಡಿಗಳಿದ್ದು, ಬೆಂಕಿಯಿಂದ ದಟ್ಟ ಹೊಗೆ ಆವರಿಸಿದ್ದು ಹಲವಾರು ಎಮ್​ಟಿಎನ್​ಎಲ್​ ನೌಕರರು, ಸಾರ್ವಜನಿಕರು ಸಿಲುಕಿದ್ದಾರೆ ಎಂದು ವರದಿಯಾಗಿದೆ.