ಕಾರ್ಗಿಲ್​ ವಿಜಯ ದಿವಸ - ಯೋಧರಿಗೆ ವಿನಯಪೂರ್ವಕ ಗೌರವ ಸಲ್ಲಿಸಿದ ಪ್ರಧಾನಿ ಮೋದಿ

•   Fri, Jul 26 2019 11:25:41 AM



• ನವದೆಹಲಿ, ಜು26(Daijiworld News/SS): 20ನೇ ವರ್ಷದ ಕಾರ್ಗಿಲ್​ ವಿಜಯೋತ್ಸವ ಸಂಭ್ರಮಾಚರಣೆ ಪ್ರಯುಕ್ತ ಪ್ರಧಾನಿ ನರೇಂದ್ರ ಮೋದಿ ಕಾರ್ಗಿಲ್​ ವಿಜಯ ದಿವಸದ ಶುಭವನ್ನು ಕೋರಿದ್ದಾರೆ.

  

  

  ಸಮಸ್ತ ಭಾರತೀಯರಿಗೆ ಶುಭಕೋರಿರುವ ಪ್ರಧಾನಿ, ಕಾರ್ಗಿಲ್‌ ವಿಜಯ ದಿನದಂದು ತಾಯಿ ಭಾರತೀಯ ಎಲ್ಲಾ ವೀರ ಪುತ್ರರಿಗೆ ನನ್ನ ಹೃದಯ ತುಂಬಿ ಪ್ರಶಂಸಿಸುತ್ತೇನೆ. ಈ ದಿನ ನಮ್ಮ ಸೈನಿಕರ ಧೈರ್ಯ, ಮತ್ತು ಸಮರ್ಪಣೆಯನ್ನು ನೆನಪಿಸುತ್ತದೆ. ಮಾತೃಭೂಮಿಯ ರಕ್ಷಣೆಗಾಗಿ ನಮ್ಮ ಯೋಧರ ಹೋರಾಟ, ಬಲಿದಾನ ಪ್ರಶಂಸನೀಯ. ನಮ್ಮ ಯೋಧರಿಗೆ ವಿನಯಪೂರ್ವಕ ಗೌರವ ಸಲ್ಲಿಸುತ್ತೇನೆಂದು ಅಭಿನಂದಿಸಿದ್ದಾರೆ.

  1999ರಲ್ಲಿ ನಡೆದ ಕಾರ್ಗಿಲ್​ ಯುದ್ಧದ ಸಮಯದಲ್ಲಿ ಕಾರ್ಗಿಲ್​ ಪ್ರದೇಶಕ್ಕೆ ತೆರಳಲು ನನಗೆ ಅವಕಾಶ ದೊರಕಿತ್ತು. ನಮ್ಮ ಧೀರ ಯೋಧರೊಂದಿಗೆ ಒಗ್ಗಟ್ಟು ಪ್ರದರ್ಶಿಸುವ ಸುವರ್ಣಾವಕಾಶ ನನಗೆ ಲಭಿಸಿತ್ತು ಎಂದು ಹೇಳಿಕೊಂಡಿದ್ದಾರೆ.

  ಯೋಧರನ್ನು ಭೇಟಿ ಮಾಡಿದ ಸಮಯದಲ್ಲಿ ಜಮ್ಮು ಮತ್ತು ಕಾಶ್ಮೀರ ಹಾಗೂ ಹಿಮಾಚಲ ಪ್ರದೇಶದಲ್ಲಿ ಪಕ್ಷಕ್ಕಾಗಿ ದುಡಿಯುತ್ತಿದ್ದೆ. ಇದರ ನಡುವೆ ಕಾರ್ಗಿಲ್​ಗೆ ಭೇಟಿ ನೀಡಿದ್ದೆ ಎಂದು ಹೇಳಿದ್ದಾರೆ. ಈ ರೀತಿ ಕಾರ್ಗಿಲ್​ಗೆ ಭೇಟಿ ಮಾಡಿ ಯೋಧರೊಂದಿಗೆ ಮಾತನಾಡಿದ ಕ್ಷಣವನ್ನು ಮರೆಯಲಾಗದು ಎಂದು ಪ್ರಧಾನಿ ತಿಳಿಸಿದ್ದಾರೆ.