ವೈಫಲ್ಯ, ಮದುವೆಯ ಒತ್ತಡಗಳ ನಡುವೆ ನಿಧಿ ಸಿವಾಚ್ UPSC ಪರೀಕ್ಷೆಯಲ್ಲಿ ಪಾಸಾದ ಕಥೆ

•   Fri, Feb 20 2026 08:22:10 AM



• ಹರಿಯಾಣ, ಫೆ. 20 (DaijiworldNews/AK): ಸತತ ಎರಡು ಬಾರಿ UPSC ಪರೀಕ್ಷೆಯಲ್ಲಿ ವಿಫಲವಾದ ನಂತರ ಕುಟುಂಬವು ಮದುವೆಗೆ ಒತ್ತಡ ಹೇರಿತ್ತು . ಆದರೆ ಎಲ್ಲವನ್ನೂ ಬಿಟ್ಟು ಯುಪಿಎಸ್‌ ಸಿ ತಯಾರಿಯತ್ತ ಗಮನಹರಿಸಿದರು.ಇವರ ಯಶಸ್ಸಿನ ಕಥೆ.

  ನಿಧಿ ಹರಿಯಾಣದ ಗುರುಗ್ರಾಮದವರು. ಮೆಕ್ಯಾನಿಕಲ್ ಎಂಜಿನಿಯರಿಂಗ್‌ನಲ್ಲಿ ಪದವಿ ಪಡೆದ ನಂತರ, ಹೈದರಾಬಾದ್‌ನ ಒಂದು ಕಂಪನಿಯಲ್ಲಿ ಕೆಲಸಕ್ಕೆ ಸೇರಿದರು. ಎರಡು ವರ್ಷಗಳ ಕಾಲ ಕೆಲಸ ಮಾಡಿದ ನಂತರ, ಅವರು ಯುಪಿಎಸ್‌ಸಿಗೆ ತಯಾರಿ ನಡೆಸಲು ನಿರ್ಧರಿಸಿದರು. ನಿಧಿ ಅವರ ವೃತ್ತಿಜೀವನ ಬಹುತೇಕ ನಿಗದಿಯಾಗಿದ್ದ ಕಾರಣ ಈ ನಿರ್ಧಾರ ತೆಗೆದುಕೊಳ್ಳುವುದು ಸುಲಭದ ಕೆಲಸವಾಗಿರಲಿಲ್ಲ. ಆದರೆ ಅವರು ಐಎಎಸ್ ಅಧಿಕಾರಿಯಾಗಲು ನಿರ್ಧರಿಸಿದರು.

  ಕಷ್ಟಪಟ್ಟು ಕೆಲಸ ಮಾಡಿದರೂ ನಿಧಿ ಸತತ ಎರಡು ಬಾರಿ ಯುಪಿಎಸ್‌ಸಿಯಲ್ಲಿ ವಿಫಲಳಾಗಬೇಕಾಯಿತು. ಈ ಸಂದರ್ಭದಲ್ಲಿ ಕುಟುಂಬವು ನಿಧಿ ಮುಂದೆ ಒಂದು ಷರತ್ತನ್ನು ಹಾಕಿತ್ತು. ಈ ಬಾರಿ ಪರೀಕ್ಷೆಯಲ್ಲಿ ವಿಫಲವಾದರೆ ಮದುವೆಯಾಗಬೇಕಾಗುತ್ತದೆ. ನಿಧಿ ಆ ಷರತ್ತನ್ನು ಒಪ್ಪಿಕೊಂಡಳು. ಆದರೆ ಹೆಚ್ಚು ಶ್ರಮಿಸಿ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಉತ್ತೀರ್ಣಳಾಗಲು ನಿರ್ಧರಿಸಿದಳು.

  ತನ್ನ ಮೂರನೇ ಪ್ರಯತ್ನದಲ್ಲಿ ಅವಳು ಅಖಿಲ ಭಾರತ ಶ್ರೇಣಿ 83 ಅನ್ನು ಪಡೆದರು. ಕೊನೆಗೆ ತನ್ನ ನೆಚ್ಚಿನ ಭಾರತೀಯ ಆಡಳಿತ ಸೇವೆಗಳನ್ನು ಸೇರ್ಪಡೆಗೊಂಡರು .