ರೈಲಿನಲ್ಲಿ ಸ್ಟಂಟ್ ಯುವಕರು ಅಂದರ್

•   Fri, Aug 02 2019 10:41:16 AM



• ಮುಂಬೈ, ಆ 2(Daijiworld News/RD): ಚೆಂಬೂರ್ ನಿಂದ ವಡಾಲಾದ ಕಡೆಗೆ ಸಾಗುವ ಮುಂಬೈನ ಲೋಕಲ್ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಯುವಕರ ತಂಡವೊಂದು ರೈಲಿನಲ್ಲಿ ಸ್ಟಂಟ್ ಮಾಡುತ್ತಿದ್ದು, ಇದನ್ನು ಗಮನಿಸಿದ ಪೋಲಿಸರು ಅವರನ್ನು ಬಂಧಿಸಿರುವ ಘಟನೆ ಮಹಾರಾಷ್ಟ್ರದ ಮುಂಬೈನಲ್ಲಿ ನಡೆದಿದೆ.

  

  ಯುವಕನ ಈ ಸ್ಟಂಟ್ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಪೊಲೀಸರು ಯುವಕರನ್ನು ಬಂಧಿಸಿ ಐಪಿಸಿ ಸೆಕ್ಷನ್ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

  ಲೋಕಲ್ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಈ ಯುವಕರು ಅದರಲ್ಲಿ ಒಬ್ಬಾತ ಕಿವಿಯಲ್ಲಿ ಇಯರ್ ಫೋನ್ ಹಾಕಿಕೊಂಡು ಬಾಗಿಲಿನ ಬಳಿ ಜಂಪ್ ಹಾಗೂ ಇನ್ನಿತರ ಸ್ಟಂಟ್‌ಗಳನ್ನು ಮಾಡುತ್ತಿದ್ದ, ಅಲ್ಲದೆ ಡೋರ್ ಬಳಿಯಿದ್ದ ಕಂಬಿಯನ್ನು ಹಿಡಿದುಕೊಂಡು ರೈಲಿನ ಹೊರಗೆ ಬರುತ್ತಿದ್ದ ವಸ್ತುಗಳನ್ನು ಮುಟ್ಟಲು ಪ್ರಯತ್ನಿಸುತ್ತಿದ್ದರು. ಮತ್ತೊಬ್ಬ ಆ ಸ್ಟಂಟ್‌ನ್ನು ತನ್ನ ಪೋನ್ ಅಲ್ಲಿ ವಿಡಿಯೋ ಮಾಡುತ್ತಿದ್ದ, ಇದೀಗ ಈ ವಿಡಿಯೋ ಸಾಮಜಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಇದನ್ನು ಗಮನಿಸಿದ ಪೋಲಿಸರು ಯುವಕರನ್ನು ಬಂಧಿಸಿ, ಇಬ್ಬರನ್ನು ವಡಾಲಾ ಪೊಲೀಸ್ ಠಾಣೆಯಲ್ಲಿ ಕೇಸು ದಾಖಲಿಸಿಕೊಂಡಿದ್ದಾರೆ.