ಅನಿಲ್ ಅಂಬಾನಿ ಮೇಲೆ ಹೊಸ ಸಿಬಿಐ ಪ್ರಕರಣ - ಮುಂಬೈ ನಿವಾಸಕ್ಕೂ ಮುಟ್ಟುಗೋಲು

•   Thu, Feb 26 2026 05:24:25 PM



• ದೆಹಲಿ, ಫೆ. 26 (DaijiworldNews/TA): ರಿಲಾಯನ್ಸ್ ಗ್ರೂಪ್‌ನ ಮುಖ್ಯಸ್ಥ ಅನಿಲ್ ಅಂಬಾನಿ ಸಂಕಷ್ಟಗಳು ಕೊನೆಗಾಣುತ್ತಿಲ್ಲ. ಬುಧವಾರ ಅನಿಲ್ ಅಂಬಾನಿ ಅವರ ಮುಂಬೈ ಪಾಲಿಹಿಲ್ ನಿವಾಸಕ್ಕೆ ಜಾರಿ ನಿರ್ದೇಶನಾಲಯದಿಂದ ಮುಟ್ಟುಗೋಲು ಹಾಕಿದ ಘಟನೆ ನಡೆಯಿತು. ಇದರ ಬೆನ್ನಲ್ಲೇ ಇಂದು ಸಿಬಿಐ ಅವರ ವಿರುದ್ಧ ಹೊಸ ಪ್ರಕರಣ ದಾಖಲಿಸಿದೆ. 2013ರಿಂದ 2017ರವರೆಗೆ ಬ್ಯಾಂಕ್ ಆಫ್ ಬರೋಡಾಗೆ ರೂ. 2,223.17 ಕೋಟಿ ವಂಚನೆ ನಡೆಸಲಾಗಿದೆ ಎಂಬ ಆರೋಪದಡಿ ಅನಿಲ್ ಅಂಬಾನಿ ಮತ್ತು ಆರ್‌ಕಾಂ ಕಂಪನಿ ವಿರುದ್ಧ ಪ್ರಕರಣ ದಾಖಲಾಗಿದೆ.

  

  ಬ್ಯಾಂಕ್ ಆಫ್ ಬರೋಡಾಗೆ ಆರ್‌ಕಾಂ ಮೂಲಕ ಏನೆಷ್ಟು ವಂಚನೆ ನಡೆದಿದೆ ಎಂಬ ವಿವರಗಳು ಸದ್ಯ ಲಭ್ಯವಿಲ್ಲ. ಆದರೆ, ಬ್ಯಾಂಕ್‌ಗೆ ನಷ್ಟ ತಲುಪಿರುವುದಾಗಿ ಸ್ವತಃ ಬ್ಯಾಂಕ್, ಅನಿಲ್ ಅಂಬಾನಿ, ಆರ್‌ಕಾಂ ಮತ್ತು ಸರ್ಕಾರಿ ಅಧಿಕಾರಿಗಳ ವಿರುದ್ಧ ದೂರು ದಾಖಲಾಗಿತ್ತು. ಪ್ರಕರಣ ವಂಚನೆ ಮತ್ತು ಅಪರಾಧ ಸಂಬಂಧಿತ ಸೆಕ್ಷನ್‌ಗಳ ಅಡಿಯಲ್ಲಿ ನಡೆಯಲಿದೆ ಎಂದು ತಿಳಿಸಲಾಗಿದೆ.

  ರಿಲಾಯನ್ಸ್ ಕಮ್ಯೂನಿಕೇಶನ್ (ಆರ್‌ಕಾಂ) ವಿರುದ್ಧದ ವಂಚನೆ ಪ್ರಕರಣದ ಹಿನ್ನೆಲೆಯಲ್ಲಿ ಅನಿಲ್ ಅಂಬಾನಿಯ ಪಾಲಿಹಿಲ್ ನಿವಾಸವನ್ನು ಜಾರಿ ನಿರ್ದೇಶನಾಲಯ ಫೆಬ್ರವರಿ 25 ರಂದು ಮುಟ್ಟುಗೋಲು ಹಾಕಿದೆ. ಮುಂಬೈ ಪಾಲಿಹಿಲ್‌ನಲ್ಲಿರುವ ಈ ಮನೆ ಮೌಲ್ಯ ರೂ. 3,716.83 ಕೋಟಿ ಎಂದು ಅಂದಾಜಿಸಲಾಗಿದೆ.

  ಕೆಲ ದಿನಗಳ ಹಿಂದೆ ಮತ್ತೊಂದು ಪ್ರಾಪರ್ಟಿ, ಮೌಲ್ಯ ರೂ. 473.17 ಕೋಟಿ, ಇಡಿಗೆ ಅಟ್ಯಾಚ್ ಮಾಡಲಾಗಿತ್ತು. ಈ ಮೂಲಕ ಮುಟ್ಟುಗೋಲು ಹಾಕಿರುವ ಅನಿಲ್ ಅಂಬಾನಿ ಮತ್ತು ಅವರ ರಿಲಾಯನ್ಸ್ ಗ್ರೂಪ್ ಒಟ್ಟು ಆಸ್ತಿ ಮೌಲ್ಯ ರೂ. 15,700 ಕೋಟಿ ತಲುಪಿದೆ.

  ಅನಿಲ್ ಅಂಬಾನಿ ಮತ್ತು ರಿಲಾಯನ್ಸ್ ಗ್ರೂಪ್ ಕಂಪನಿಗಳು ಹಲವು ವರ್ಷಗಳಲ್ಲಿ ಬ್ಯಾಂಕುಗಳಿಂದ ಲಭ್ಯವಿರುವ ರೂ.40,185 ಕೋಟಿ ಸಾಲವನ್ನು ತೀರಿಸಿಲ್ಲ. ಸಾಲದ ಅವಧಿಯಲ್ಲಿ ಅಕ್ರಮ ಹಣ ವರ್ಗಾವಣೆ ಸೇರಿದಂತೆ ಹಲವು ಆರೋಪಗಳು ಎದುರಾಗಿ ಬಂದಿದ್ದು, ರಿಲಾಯನ್ಸ್ ಕಮ್ಯೂನಿಕೇಶನ್ ಸಂಸ್ಥೆ ಸಾಲ ತೀರಿಸಲು ಕಾಲಾವಕಾಶ ಕೋರುತ್ತಿದೆ. ಈ ನಡುವೆ ಅನಿಲ್ ಅಂಬಾನಿ ಸುತ್ತುವರೆದಿರುವ ಪ್ರಕರಣಗಳು ಇದೀಗ ಹೊಸ ಆಯಾಮಕ್ಕೆ ಬಂದಿವೆ.