ಹಾವೇರಿಯಲ್ಲಿ 3,200 ವರ್ಷಗಳ ಹಿಂದಿನ ಆದಿಮಾನವರ ಸಮಾಧಿ ಪತ್ತೆ

•   Wed, Mar 25 2026 11:30:06 AM



• ಹಾವೇರಿ, ಮಾ. 25 (DaijiworldNews/TA): ಜಿಲ್ಲೆಯ ಸ್ಥಗಿತ ಜಿಲ್ಲೆಯ ರಾಣೆಬೆನ್ನೂರು ತಾಲೂಕಿನ ಬಸಲಿಕಟ್ಟಿ ತಾಂಡಾ ಬಳಿ ಸುಮಾರು 3,200 ವರ್ಷಗಳ ಹಿಂದಿನ ಆದಿಮಾನವರ ಸಮಾಧಿಗಳು ಪತ್ತೆಯಾಗಿದೆ.

  

  ಈ ಪುರಾತತ್ವ ಮಹತ್ವದ ಸ್ಥಳವನ್ನು ಸ್ಥಳೀಯ ಇತಿಹಾಸ ಸಂಶೋಧಕ ಪ್ರಮೋದ್ ನಲ್ವಾಗಲ್ ಗುರುತಿಸಿದ್ದು, ಮರು ಅನ್ವೇಷಣೆ ಮೂಲಕ ಸಮಾಧಿಗಳ ಕುರುಹುಗಳು ಬೆಳಕಿಗೆ ಬಂದಿವೆ.

  ಪತ್ತೆಯಾದ ಸಮಾಧಿಗಳು ಮೆಗಾಲಿಥಿಕ್ (ಮಹಾಶಿಲಾಯುಗ) ಸಂಸ್ಕೃತಿಗೆ ಸೇರಿದವು ಎಂದು ತಜ್ಞರು ಅಂದಾಜಿಸಿದ್ದಾರೆ. ಅಲ್ಲದೆ, ಸ್ಥಳದಲ್ಲಿ ಕಂಡುಬಂದ ಕಲ್ಲಿನ ರಚನೆಗಳು ಆ ಭಾಗದಲ್ಲಿ ಪ್ರಾಚೀನ ಮಾನವರು ವಾಸಿಸುತ್ತಿದ್ದರೆಂಬುದನ್ನು ಸೂಚಿಸುತ್ತವೆ. ಇನ್ನಷ್ಟು ಪುರಾತತ್ವ ಉತ್ಖನನ ಕಾರ್ಯ ನಡೆಸಿದರೆ, ಹೆಚ್ಚಿನ ಇತಿಹಾಸಪೂರ್ವ ಕುರುಹುಗಳು ಪತ್ತೆಯಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.