ನೂತನ ಸಚಿವರ ಪ್ರಮಾಣವಚನಕ್ಕೆ ಕ್ಷಣಗಣನೆ - 'ಸಚಿವರ ಪಟ್ಟಿ ಇಲ್ಲಿದೆ'

•   Tue, Aug 20 2019 09:39:11 AM



• ಬೆಂಗಳೂರು, (Daijiworld News/MSP): ರಾಜ್ಯದಲ್ಲಿ ಬಿಜೆಪಿ ಸರಕಾರ ರಚನೆಯಾಗಿ, ಬಿ.ಎಸ್ ಯಡಿಯೂರಪ್ಪ ಮುಖ್ಯಮಂತ್ರಿಯಾಗಿ 25 ದಿನ ಕಳೆದ ಬಳಿಕ ಮಂಗಳವಾರ ಸಚಿವ ಸಂಪುಟ ವಿಸ್ತರಣೆಯಾಗುತ್ತಿದೆ. ರಾಜಭವನದಲ್ಲಿ ಇಂದು 10.30ರಿಂದ 11.30ರವರೆಗೆ ಸಂಪುಟ ಸೇರಲು ಆಯ್ಕೆಯಾದ ಶಾಸಕರು ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ.

  

  ಯಡಿಯೂರಪ್ಪ ಸಂಪುಟಕ್ಕೆ ಮೊದಲ ಹಂತದಲ್ಲಿ 17 ಶಾಸಕರು ಸಚಿವರಾಗಿ ಆಯ್ಕೆಯಾಗಿದ್ದಾರೆ ಎಂದು ತಿಳಿದುಬಂದಿದೆ. ಸಂಪುಟದಲ್ಲಿ ಯಾರ್ಯಾರು ಆಯ್ಕೆ ಆಗಿದ್ದಾರೆ ಎಂಬ ಮಾಹಿತಿ ಶಾಸಕರಿಗೆ ಸೋಮವಾರ ರಾತ್ರಿವರೆಗೂ ತಿಳಿದುಬಂದಿರಲಿಲ್ಲ ಎನ್ನಲಾಗಿದೆ.

  ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಪಟ್ಟಿ ಮಂಗಳವಾರ ಬೆಳಗ್ಗೆ ಕಳುಹಿಸಿಕೊಟ್ಟ ಬಳಿಕವಷ್ಟೇ ಸಂಪುಟಕ್ಕೆ ಯಾರು ಸೇರ್ಪಡೆಯಾಗುತ್ತಿದ್ದಾರೆ ಎಂದು ತಿಳಿದುಬಂದಿದೆ.
  ನೂತನ ಸಚಿವ ಪಟ್ಟಿ ಹೀಗಿದೆ:
  1. ವಿ ಸೋಮಣ್ಣ
  2. ಸಿ ಟಿ ರವಿ
  3. ಕೆ.ಎಸ್‌.ಈಶ್ವರಪ್ಪ
  4. ಜಗದೀಶ್ ಶೆಟ್ಟರ್
  5. ಆರ್‌. ಅಶೋಕ್‌
  6. ಗೋವಿಂದ ಕಾರಜೋಳ
  7. ಡಾ. ಅಶ್ವತ್ಥ ನಾರಾಯಣ
  8. ಲಕ್ಷ್ಮಣ ಸಂಗಪ್ಪ ಸಾವಡಿ
  9. ಬಿ. ಶ್ರೀರಾಮುಲು
  10. ಸುರೇಶ್‌ ಕುಮಾರ್‌
  11. ಬಸವರಾಜ್ ಬೊಮ್ಮಾಯಿ
  12. ಕೋಟ ಶ್ರೀನಿವಾಸ್‌ ಪೂಜಾರಿ
  13. ಜೆ ಸಿ ಮಾಧುಸ್ವಾಮಿ
  14. ಸಿಸಿ ಪಾಟೀಲ್
  15. ಎಚ್ ನಾಗೇಶ್
  16. ಪ್ರಭು ಚೌಹಾಣ್‌
  17. ಶಶಿಕಲಾ ಜೊಲ್ಲೆ
  ಇಂದು ರಾಜಭವನದಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ರಾಜ್ಯಪಾಲರು ಪ್ರತಿಜ್ಞಾ ವಿಧಿ ಬೋಧಿಸಲಿದ್ದಾರೆ.